د پاکستان او اروپايي ټولنې ځانګړي استازي د ترهګرۍ او سیمې پر حالاتو غږېدلي
د افغانستان لپاره د پاکستان ځانګړي استازي محمد صادق د پنجشنبې په ورځ ویلي چې د افغانستان لپاره د اروپايي ټولنې ځانګړي استازي ګیلز برټرنډ سره په لیدنه کې یې د سیمې د سیاسي او امنیتي وضعیت، ترهګرۍ اړوند ګواښونو او سوداګرۍ په تړاو خبرې کړې دي.
محمد صادق ویلي، چې په لیدنه کې د همغږۍ پر اهمیت ټینګار شوی او خبرې اترې د سیمه ییز ثبات او پراختیا لپاره مهمې بلل شوې دي.
