امریکا ځینو اروپايي هېوادونو ته د «وسلو لېږد» ځنډولی
رویټرز خبري اژانس د باخبره سرچینو په حواله راپور ورکړی، امریکايي چارواکو یوشمېر اروپايي هېوادونو ته خبر ورکړی چې د ځینو پوځي وسلو لېږد د ایران پرضد د جګړې او د امریکا د پوځي لومړیتوبونو د بدلون له امله ځنډېدلی دی.
د راپور له مخې؛ ښايي د دغه وضعیت له امله د اروپا څو هېوادونه اغېزمن شي، چې د بالتیک او سکاندیناوي سیمې هېوادونه هم پهکې شامل دي. سرچینو ویلي، چې د دغه وسلو یوه برخه د امریکا د بهرني پوځي پلور له لارې پېرل شوې؛ خو تراوسه دغه هېوادونو ته نهدي سپارل شوې.
