له پاکستان سره په ګډه د امریکا او ایران ترمنځ د دایمي سولې پر طرحې کار کوو
د مصر د بهرنیو چارو وزیر بدر عبدالعاطي د شنبې په ورځ ویلي، چې هېواد یې له پاکستان سره په ګډه د امریکا او ایران ترمنځ د دایمې سولې د یو چوکاټ په جوړولو کار کوي.
نوموړي ویلي، چې مصر، ترکیه، پاکستان او سعودي عربستان د یوې پراخې سیمهییزې هڅې په همغږۍ کاري، ترڅو په سیمه کې د کړکېچ د بیا ځلي زیاتوالي مخه ونیول شي. د مصر د بهرنیو چارو وزیر زیاته کړې، چې د دغه نوښت یو بل مهم هدف د جګړې له پای ته رسېدو وروسته د یوه امنیتي میکانیزم لپاره د زمیني برابرول دي.
بدر عبدالعاطي په خپلو څرګندونو کې د خلیج هېوادونو پر خوندیتوب، د انرژۍ د بازارونو پر ثبات، د اکمالاتي ځنځیرونو پر ساتنې او د خوراکي توکو د امنیت پر اهمیت هم ټینګار کړی او دغه همغږي یې د د سیمې د ثبات او سوکالۍ لپاره حیاتي بللي ده.
