د طالبانو د کرنې وزیر په روسیه کې له افغان سوداګرو سره لیدلي

د دغه کمېسیون د راپور له مخې، دغه کډوال د ننګرهار د تورخم، د کندهار د سپین بولدک، د هرات د اسلام‌کلا او د نیمروز د ورېښمو پله له لارې ستانه شوي دي.

راپور زیاتوي، له یادو کورنیو څخه ۸۲۰ کورنۍ د تورخم له لارې، ۱۱۷کورنۍ د سپین بولدک له لارې،۳۶ کورنۍد ورېښمو پله له لارې، او ۷کورنۍ د اسلام‌کلا له لارې افغانستان ته ستنې شوې دي.

د کمېسیون د معلوماتو پر بنسټ، راستنو شویو کورنیو سره د اړتیا وړ مرسته هم شوې ده.

دا په داسې حال کې ده چې د طالبانو او پاکستاني ځواکونو ترمنځ له وروستیو نښتو وروسته، اسلام‌اباد د افغان کډوالو د نیولو او ایستلو لړۍ چټکه کړې.

ورته مهال د بشري حقونو نړیوالو بنسټونو په وار وار په پاکستان کې د افغان خبریالانو، مدني فعالانو او ښځو د نیول کېدو او ځورونې په اړه اندېښنه ښودلې ده. دوی د پاکستان له حکومت څخه غوښتنه کوي چې له افغان کډوالو سره د نړیوالو قوانینو او انساني اصولو سره سم چلند وکړي.

د یادې ټولنې په غونډه کې چې د «یادګار فرانسوي» کمیټې له لوري جوړه شوې وه، ویل شوي چې نړیوال وضعیت ورځ تر بلې نازک کېږي او بې‌ثباتي مخ په زیاتېدو ده.

غونډه کې د ګډونوالو په وینا، د اوکراین جګړې ترڅنګ په منځني ختیځ، افغانستان، پاکستان، ایران او د افریقا په ځینو سیمو کې روان کړکېچونه د نړیوال امنیت په اړه جدي پوښتنې راپورته کوي.

د ټولنې غړو ټینګار کړی چې د «یاد ساتنې مسوولیت» یا د تاریخي پېښو د یاد ساتل د راتلونکو نسلونو لپاره خورا مهم دي، که څه هم د دوی په وینا دا کار له ځوان نسل سره د تړاو له نظره ځینې وختونه ستونزمن وي.

یاده ټولنه چې ۸۹ غړي لري، وایي خپلو فعالیتونو ته دوام ورکوي، چې پکې د ښوونځیو لپاره تاریخي سفرونه، د قبرونو ساتنه او په ملي مراسمو کې ګډون شامل دي.

د ښاروالۍ چارواکي وایي، تر اوسه شاوخوا ۴۵۰ کیلومتره سړکونه جوړ شوي او د پراختیا لپاره ۱۱ زره او ۲۷۸ ملکیتونه استملاک شوي دي.

د چارواکو په وینا، یوازې د روان کال لپاره ۲۳۳ نورې پراختیايي پروژې هم پلان شوې دي، چې د پلي کېدو لپاره یې له ۱.۹ میلیارده افغانیو زیاته بودیجه ځانګړې شوې ده.

همداراز، ښاروالۍ ویلي چې په تېرو څلور نیمو کلونو کې یې له ۲۸ میلیارده افغانیو څخه زیات عاید ترلاسه کړی دی.

بلخوا، د کابل د قلعه خاطر په سیمه کې یوه شاوخوا ۲۰۰ کلنه هدیره هم د سړک جوړونې له امله اغېزمنه شوې ده. راپور زیاتوي چې د هدیرې ځینې قبرونه خالي شوي او د مړو پاتې شوني د سړک بلې غاړې ته لېږدول شوي دي.

د یادونې وړ ده چې د دغو پروژو ډېری برخه د پخواني جمهوري حکومت پر مهال پیل شوې وه، خو د واک بدلون وروسته بیا د کابل نوې ادارې د دې پروژو د بیا پیل او بشپړولو هڅې ګړندۍ کړې دي.

د طالبانو د معیار او کیفیت ادارې د شنبې په ورځ (د وري ۲۹مه) د یوې خبرپاڼې په خپرولو سره ویلي، د کورنیو بازارونو د خوندیتوب او د مصرفوونکو د حقونو د ملاتړ په موخه یې د اسلام‌کلا بندر له لارې شاوخوا ٢٦ ټُنه بې‌کیفیته نبشي ډوله اوسپنه چې له کورنیو معیارونو سره یې مطابقت نه درلود، له څېړنې او د کیفیت له دقیق کنټرول وروسته بېرته صادرونکي هېواد ته مسترد کړي دي.

خبرپاڼه کاږي، چې د هېواد په ټولو بندرونو کې د ودانیزو توکو د کیفیت د تثبیت او کنټرول پروسه په شفافه، منظمه او پرېکنده توګه روانه ده او زیاتوي: «د بې‌کیفیته او د خلکو روغتیا ته د زیان رسوونکو توکو د واردېدو په وړاندې به هېڅ ډول نرمښت ونه‌ښودل شي.

دغې ادارې همداراز له ټولو سوداګرو او واردوونکو څخه غوښتي، چې کورني معیارونه په جدي توګه په پام کې ونیسي او د یوه باکیفیته او سالم بازار په رامنځته کولو کې خپل مسوولیت ادا کړي.

د طالبانو د ۳۱۳ مرکزي قول اردو (د شنبې په ورځ د وري ۲۹مه) د یوې خپرپاڼې په خپرولو سره ویلي، لومړۍ پېښه تېره ورځ هغه مهال رامنځته شوه، چې د کابل- جلال‌اباد پر لویه لاره د ماهیپر تنګي ته نږدې د شپولې بابا په سیمه کې یو کرولا موټر له سړک څخه واوښت او سیند ته ولوېد او له سورلۍ سره یاد موټر د سیند په اوبو کې لادرکه شو.

خبرپاڼه کاږي، ژغورونکو ډلو تر اوسه د یوې ښځې په ګډون ۴ جسدونه له سینده رااېستلي، خو د اوبو د زیاتوالي له امله موټر لا هم لادرکه دی او دا هم معلومه نه‌ده، چې په یاد موټر کې څو کسان ناست وو.

100%

دویمه پېښه بیا د کابل- کندهار د لویې لارې اړوند د میدان وردګ د نرخ ولسوالۍ په بادام سیمه کې د دوو بار وړونکو او یوه سراچه موټرو د ټکر له امله رامنځته شوې او له امله یې یو کس مړ او ۴ نور ټپیان شوي دي.