ډونالډ ټرمپ وایي د ایران او پاکستان ترمنځ د ځمکنۍ لارې له خلاصون څخه خبر دی

سنېټکام په خپله اېکس‌پاڼه لیکلي، چې یادې بېړۍ د نیواک او تلاشۍ د مخنیوي لپاره د قومندانۍ د لارښوونو پر بنسټ بېرته ستنې شوي، خو د بېړیو د ډول، بیرغ او دقیقو بندرونو په اړه نور جزییات نه‌دي ورکړل شوي. سنېټکام ټینګار کړی، چې محاصره لا هم روانه ده.

له بل لوري، د امریکا ولسمشر ډونالډ ټرامپ هم ویلي، چې د ایران د بندرونو سمندري محاصره لاهم روانه ده، خو د مهالوېش او ممکنو نرمښتونو په تړاو یې نوي کره معلومات نه‌دي وړاندې کړي.

تر دې دمه د ایران اړوند چارواکو د سنېټکام د وروستي اعلان په اړه غبرګون نه دی ښودلی. همدارنګه لا روښانه نه‌ده، چې د مسیر بدلولو امر کومو تجارتي بېړیو ته شوی او دغو بدلونونو د سیمه‌ییزو لوژستیکي لارو پر تګلارو څومره اغېز کړی دی.

ګوترېش د جمعې په ورځ، پر خپلې ایکس‌پاڼې د امریکا او ایران د نوم یادولو په پرتله لیکلي، چې له هغو کړنو ډډه وکړئ چې شته اوربند زیانمنولای شي.

د ملګرو ملتونو د سرمنشي زیاته کړې، د روان حالت دوام نه یوازې سیمې، بلکې ټولې نړۍ ته زیان رسوي او اړینه ده چې د ډیپلوماټیکو هڅو له لارې د یوې دایمي حل‌لارې لپاره کار وشي.

نوموړي یو ځل بیا خبرداری ورکړی چې د کړکېچ پراخېدل به ناوړه بشري پایلې ولري.

تورن کس چې عیسی سلیمان نومېږي، د ویسټمنسټر ابتدایي محکمې ته حاضر کړل شوی. پر نوموړي د دوو کسانو د وژنې د هڅې او د ناقانونه وسلې «چړې» د ګرځولو تورونه لګول شوي دي. د راپورونو له مخې، سلیمان لومړی یو ۳۴ کلن کس په یوه عبادتځای کې او وروسته یو بل ۷۶ کلن کس د بس په تمځای کې په چاقو وهلي وو.

دواړه ټپیان روغتون ته لېږدول شوي، یو یې له درملنې وروسته رخصت شوی او د بل روغتیايي حالت هم د ډاډ وړ ښودل شوی دی.

پولیس وایي، بریدګر یې د برقي وسلې په کارولو سره نیولی او تر راتلونکې محکمې پورې، چې د مې په ۱۵مه ده، په توقیف کې ساتل کېږي. داسې نښې هم شته چې نوموړي په همدې ورځ د لندن په سویل کې د یو بل کس د وژلو هڅه هم کړې وه.

د بریتانیا لومړي وزیر کې‌یر سټارمر د دغه برید په غبرګون کې د یهودي ټولنې د ساتنې لپاره د جدي اقداماتو ژمنه کړې ده. نوموړي دغه پېښه غندلې او ټینګار یې وکړ چې حکومت به د ترهګریزو ګواښونو د مخنیوي او د خلکو د امنیت لپاره ټول لازم ګامونه پورته کړي.

د متحده عربي اماراتو یو لوړپوړي چارواکي د جمعې په ورځ رویټرز اژانس ته ویلي، چې د سیمې د هېوادونو ترمنځ بې‌باوري زیاته شوې او د جګړې د پای ته رسېدو لپاره روانې هڅې کومې څرګندې پایلې ته نه دي رسېدلې. د هغه په وینا، نړیواله ګډه اراده او د نړیوالو قوانینو پلي کېدل د هرمز تنګي د تګ راتګ د ازادۍ یوازینی تضمین دی.

دا په داسې حال کې ده چې د جګړې له پیل څخه دوه میاشتې تېرې شوې، خو هرمز تنګی لا هم تر ډېره تړلی پاتې دی. ایران پر دې مهمې سمندري لارې بندیز لګولی او بل لور ته د امریکا سمندري ځواک د ایران د نفتو صادرات محدود کړي دي.

دغه وضعیت د نړۍ د انرژۍ شاوخوا ۲۰ سلنه اکمالات اغېزمن کړي، چې له امله یې د نفتو بیې لوړې شوې او د نړیوال اقتصادي رکود اندېښنې زیاتې شوې دي.

اوکرایني چارواکو ویلي، چې د دغو بریدونو له امله په اودیسا ښار کې یو اپارتمان ویجاړ شوی او د یوې ۱۶ پوړیزې ودانۍ چت اور اخیستی دی.

د ژغورنې خدماتو ادارې د هغو لوړپوړو ودانیو عکسونه خپاره کړي چې اور پکې لګېدلی او اور وژونکي یې د مړ کولو هڅه کوي.

د اوکراین د سمندري بندرونو ادارې په وینا، د اودیسا په ستر مرکز او د دانوب سیند پر غاړه پرتو بندرونو باندې بریدونه شوي دي. د دغو بریدونو په پایله کې د بندرونو تاسیسات زیانمن شوي دي.

اوکرایني چارواکي وایي چې د روسیې دغه بریدونه په قصدي ډول د هېواد د صادراتو د مهمو لارو او ملکي سیمو د نښه کولو په هدف ترسره شوي دي.