ډونالډ ټرمپ وایي د ایران او پاکستان ترمنځ د ځمکنۍ لارې له خلاصون څخه خبر دی
د امریکا ولسمشر ډونالډ ټرمپ خبریالانو ته ویلي، چې د پاکستان او ایران تر منځ د ځمکنۍ لارې له پرانېستل کېدو په «بشپړ ډول» خبر دی او د پاکستان مشرتابه ته درناوی لري.
یوه خبریال له ټرمپ څخه پوښتنه کړې، چې پاکستان له ایران سره د ځمکنۍ لارې د پرانېستنې په تړاو له ده سره سلا کړ که نه. ټرامپ په ځواب کې د موضوع له څرنګوالي او د نورو جزییاتو له ورکړې پرته یوازې دومره ویلي، چې «له هر څه» خبر دی او د پاکستان «فیلډمارشال او لومړي وزیر» ته درناوی لري.
دا څرګندونې په داسې حال کې خپرېږي، چې له ایران سره د امریکا او اسراییل د جګړې په ترڅ کې د سیمې د ټرانزیتي او سرحدي لارو بحثونه خورا حساسې موضوعګانې دي.
