عراقچي: د نتنیاهو په لمسونه پر ایران برید امریکا ته ملیاردونه ډالره زیان اړولی
د ایران د بهرنیو چارو وزیر عباس عراقچي د امریکا د دفاع وزارت پر ارقامو نیوکه کړې او ویلي یې دي، چې د اسراییل د لومړي وزیر بنیامین نتنیاهو په لمسونه روانو جګړو تر اوسه امریکا ته شاوخوا ۱۰۰ ملیارده ډالره نېغ په نېغه مالي زیان اړولی دی.
عباس عراقچي پر خپله اېکسپاڼه لیکلي، چې د امریکا غیر مستقیم لګښتونه د امریکایي مالیه ورکوونکو لپاره تر دې هم ډېر لوړ دي. هغه زیاته کړې چې د دغې جګړې له امله د هرې امریکایۍ کورنۍ میاشتنی لګښت شاوخوا ۵۰۰ ډالرو ته رسېږي او دا کچه په چټکۍ سره د لوړېدو په حال کې ده.
د ایران د بهرنیو چارو وزیر د پنټاګون معلومات درواغ بللي او ټینګار یې کړی چې «اسرایيل لومړی» پالیسي تل په دې معنا ده چې «امریکا وروستۍ ده».
