د ملګرو ملتونو سرمنشي انتونیو ګوترېش وایي، چې د منځني ختیځ کړکېچ درېیمې میاشتې ته غځېدلی او ټول بشریت یې بیه پرې کوي. نوموړي ټینګار کړی، چې نړۍ یوې سولهییزې، هر اړخیزې او دوامداره حللارې ته جدي اړتیا لري، څو په سیمه کې د کړکېچ د لا پراخېدو مخه ونیول شي.
ګوترېش د جمعې په ورځ، پر خپلې ایکسپاڼې د امریکا او ایران د نوم یادولو په پرتله لیکلي، چې له هغو کړنو ډډه وکړئ چې شته اوربند زیانمنولای شي.
د ملګرو ملتونو د سرمنشي زیاته کړې، د روان حالت دوام نه یوازې سیمې، بلکې ټولې نړۍ ته زیان رسوي او اړینه ده چې د ډیپلوماټیکو هڅو له لارې د یوې دایمي حللارې لپاره کار وشي.
نوموړي یو ځل بیا خبرداری ورکړی چې د کړکېچ پراخېدل به ناوړه بشري پایلې ولري.
