رویټرز: د هرمز تنګي د کړکېچ له امله د برېتانیا په صنعتي سکټور کې د لګښتونو بحران ژور شوی
د ایران او اسراییل ترمنځ جګړې او د هرمز تنګي کړکېچ د بریتانیا په تولیدي فابريکو کې د لګښتونو فشار په بېساري ډول لوړ کړی دی. د رویټرز د راپور لهمخې، د توکو د رسولو په برخه کې رامنځته شوي ځنډونه د ۲۰۲۲ کال له نیمايي راهیسې تر ټولو لوړې کچې ته رسېدلي دي.
په راپور کې راغلي، چې د هرمز تنګي کړکېچ او د سمندري لارو ناامنۍ نړیواله سوداګري زیانمنه کړې او د انګلستان صنعتي سکټور یې په مستقیم ډول تر سخت فشار لاندې راوستی دی. دغه وضعیت په تولیدي فابريکو کې نه یوازې د تولید لګښتونه زیات کړي، بلکې د خامو موادو د رسېدلو لړۍ یې هم له خنډ او ځنډ سره مخ کړې ده.
اقتصادي شنونکي وایي، چې د سمندري ترانزیټ دغه بېثباتي د بریتانیا د صنعتي سکتور لپاره یو نوی بحران دی، چې ورسره په بازارونو کې د توکو د بیو د لوړېدو اندېښنې هم زیاتې شوې دي.
