زېلېنسکي او د سلواکیا لومړی وزیر په اروپايي ټولنه کې د اوکراین د غړیتوب په اړه غږېدلي

نوموړي نن د شنبې په ورځ، له رسنیو سره په خبرو کې ویلي، چې د پاکستان د ناسمو پالیسو له امله له افغانستان سره سوداګرې په ټپه درېدلي او د خلکو معیشت خراب شوی دی.

محمودخان زیاته کړې:«له هند سره دې درې ځله جګړه وکړه، خو پر پوله له هند سره سوداګرې روانه ده. خو د پښتونو او بلوڅانو په سیمه کې له افغانستان سره سوداګرې بنده ده. که ته خلک ځان ساتلو، ګوندونو جوړولو ته نه پریږدي، نو ته خپله دا هېواد په کورنۍ جګړه اخته کوي».

نوموړي خبرداری ورکړی، چې د پاکستان د حکومت ناسمي پالیسۍ ورته د منلو وړ نه دي او په کلکه به د احتمالي کورنۍ جګړې مخنیوی وکړي.

همدارنګه محمود خان اڅګزي د پښتو په سیمو کې د پاکستان د پوځ د عملیاتو او له ملکي وګړو سره د پوځ پر چلند هم سختې نیوکي کړې دي.

د جرمني د دفاع وزیر ویلي، چې له جرمني څخه د امریکايي سرتېرو پلان شوې پریکړه باید اروپايي هېوادونه دې ته وهڅوي چې خپلې دفاعي وړتیاوې لاپسې پیاوړې کړي.

د جرمني د دفاع وزیر بوریس پیستوریس ویلي، چې دا پرېکړه تمه کېدونکې وه.

د جرمني د دفاع وزیر زیاته کړې، چې د سرتېرو ایستل به په جرمني کې د امریکا پر شاوخوا ۴۰ سرتېرو اغېز وکړي. «موږ اروپایان باید د خپلې امنیتي ساتنې ډېره برخه خپله پر غاړه واخلو.»

نوموړي ټینګار وکړ چې جرمني د خپلو وسله والو ځواکونو پر پراخلو، د پوځي تجهیزاتو د تدارکاتو په چټکولو او د بنسټیزو تاسیساتو په جوړولو سره په سم لوري روان دی.

د سرتېرو د ایستلو دا لړۍ وروسته له هغه توده شوه چې ډونالډ ټرمپ د جرمني له لومړي وزیر فریدریښ ميرز سره په منځني ختیځ کې د واشنګټن پر ستراتیژۍ له ناندریو وروسته، د ځواکونو د ایستلو ګواښ وکړ.

زیلنسکي په خپل ایکس پوسټ کې ویلي چې د خېرسون ښار پر یوه ښاري بس د روسیې د ډرون برید کې دوه کسان وژل شوي او اووه نور ټپیان شوي دي.

هغه ویلي: «ټول ټپیان ملکيان دي، او روسان په بشپړ ډول پوهېدل چې دا ملکي خلک دي.»

د اوکراین ولسمشر زیاته کړې چې دا ډول بریدونه د جګړې لومړۍ کرښې او سرحدي سیمو کې ورځنی واقعیت ګرځېدلی دی. د هغه په وینا، په خارکیف کې د استوګنې پر ودانۍ هم ډرون برید شوی او د مایکولایف په سیمه کې د انرژۍ پر تاسیساتو حملې شوې دي.

نوموړي ویلي چې د دې ترڅنګ د دنیپرو، اودیسه، سومي، خېرسون او دونیڅک سیمې هم تر بریدونو لاندې راغلې دي.

زیلنسکي ټینګار کړی چې روسیه هڅه کوي د پراخو بریدونو له لارې د اوکراین هوايي دفاع سیستمونه تر فشار لاندې راولي، او زیاته کړې یې ده چې د مخنیوي توغندیو دوامداره اکمال حیاتي ارزښت لري.

هغه خبرداری ورکړی چې پر روسیې د نړیوال فشار کمېدل به یوازې د دې هېواد د جګړې توان زیات کړي. د هغه په وینا: «د بندیزونو هر ډول نرمښت د دې لامل کېږي چې روسیه خپل مالي سرچینې بېرته ډکې کړي او بیا یې پر جګړه ولګوي.»

زیلنسکي د هغو هېوادونو او بنسټونو مننه هم کړې چې د روسیې پر وړاندې د نویو بندیزونو د لګولو او د بندیزونو د تېښتې د مخنیوي لپاره کار کوي.

هغه زیاته کړه: «خو دا کار به ونه‌شي. په اړه یې مه اندېښمن کېږئ. موږ هغوی له منځه وړي دي».

ټرمپ د جمعې په شپه وویل: «دا مهال زه په ایران کې له ډېرو بې‌رحمو خلکو سره مخ یم. زه نه‌شم ویلی، چې حالات ډېر ښه روان دي، خو هېڅکله باید ایران ته اټومي وسله ورنه‌کړل شي».

د امریکا ولسمشر زیاته کړه: «دوی هیڅ مشر نه‌لري. مشران یې هم تللي دي. دا زموږ د ستونزې یوه برخه ده؛ ځکه موږ نه پوهېږو چې له چا سره مخ یو... موږ له یوه سره خبرې وکړې او بیا بل چا اړیکه ونیوله».

هغه همدارنګه دایران د نظامي وړتیاوو په اړه وویل: «د دوی د پوځ لپاره یو څه اندازه توغندي پاتې دي. د توغندیو د جوړولو یو څه ظرفیت هم ورته پاتې دی. موږ د نویو توغندیو د تولید نږدې ۸۵ سلنه ظرفیت له منځه وړی دی. موږ نږدې ۸۲ سلنه ظرفیت یې له منځه وړی، خو دا په دې معنا ده، چې دوی توغندي لري. موږ د دوی د بې‌پیلوټه الوتکو ډېرې فابریکې له کاره اچولي دي، خو لا هم د ډرون جوړولو یو څه ظرفیت ورته پاتې دی».

ټرمپ وویل: «بې‌پیلوټه الوتکې هم خورا اغېزناکې دي، که څه هم موږ په دې لړ کې پرمختګونه کړي دي».

د امريکا ولسمشر د همدې اونۍ په پيل کې د جرمني له لومړي وزیر فرېدرېښ مېرڅ سره تر لفظي شخړې وروسته دې هېواد کې د امريکايي ځواکونو د کمولو احتمال ياد کړی وو.

مېرڅ د دوشنبې په ورځ ويلي وو، چې امريکا د ايران د جګړې په اړه روښانه تګلاره نه‌لري او تهران د خبرو اترو پر مهال واشنګټن له ستونزمن حالت سره مخ کړی دی.

ټرمپ همدارنګه په ښکاره توګه د ایران پر ضد له امریکا څخه د نه‌ملاتړ له امله پر فرېدرېښ مېرڅ او د ناټو د نورو غړو هېوادونو پر مشرانو نيوکه کړې وه.

په جرمني کې د امريکا پوځي حضور اوږده مخينه لري او د دويمې نړيوالې جګړې له پای او د سړې جګړې له کلونو راهيسې دوام لري. د امريکا د جګړې وزارت د شمېرو له مخې، تر تېر ډسمبر پورې نږدې پنځوس زره فعال پوځيان، احتياطي ځواکونه او ملکي کارکوونکي د جرمني په بېلابېلو اډو کې مېشت وو.

جرمني همدارنګه د امريکا د اروپايي او افريقايي قومندانیو کوربه دی او د رامشتاين هوايي اډه د امريکا له مهمو پوځي عملياتي مرکزونو څخه شمېرل کېږي. له جاپان وروسته، جرمني هغه هېواد دی چې د امريکا تر ټولو ډېر پوځيان په‌کې مېشت دي.

ټرمپ له کلونو راهيسې پر ناټو نيوکې کوي او د دې تړون غړي هېوادونه تورنوي، چې د خپلو پوځونو د پياوړتيا لپاره کافي لګښت نه‌کوي او تر ډېره بريده پر امريکا تکيه لري. هغه څو ځله ويلي، چې اروپايي هېوادونه بايد د روسيې د يرغل پر وړاندې د اوکراين په ملاتړ کې زيات مسووليت واخلي.