خیبر پښتونخوا کې د وسله والو بریدونو له امله اته کسان وژل شوي
خیبرپښتونخوا کې د ناامنیو او وسلهوالو بریدونو په تازه پېښو کې شمالي وزیرستان او باجوړ سیمو کې د ۵وسله والو په ګډون ۸تنه وژل شوي او ۱۱ نور ټپیان دي.
د پاکستاني رسنیو د راپور له مخې د شمالي وزیرستان درپه خېل سیمه کې د وسلهوالو او سیمهییزو اوسېدونکو ترمنځ نښته رامنځته شوې، چې په پایله کې ۵ وسله وال او درې ملکي وګړي وژل شوي او ۸ تنه نور ټپیان دي.
د بنو د پولیسو مشر سجاد خان ویلي چې دا نښته د درپه خېل شهزاده کوټ په سیمه کې د ځایي خلکو او وسلهوالو ترمنځ شوې ده. د هغه په وینا، د ځایي خلکو په ځوابي برید کې ۵ وسله وال وژل شوي، خو وسلهوالو بیا پر ملکيانو ډزې کړې چې له امله یې ۳ عام وګړي وژل شوي دي.
نوموړی وایي، ټول ټپیان د میرانشاه ملکي روغتون ته لېږدول شوي دي.
د همدې ایالت په باجوړ سیمه کې هم وسلهوالو د کرېکټ پر میدان برید کړی، چې له امله یې درې کسان ټپیان شوي دي. ویل کېږي چې ټپیان هغه کسان وو چې په میدان کې یې لوبه کوله.
