د کرکټ «امید وطن» شل‌اوریز جام؛ مس عینک او بُست لوبډلو بریاوې خپلې کړې

د طالبانو یاد وزارت د معلوماتو له مخې، شاوخوا ۶۹ زره باروړونکي موټر د رونډ نوبت په سیستم کې شامل شوي دي. همدارنګه څه باندې ۳۸ زره مسافروړونکي موټر د احصایې او عوایدو په برېښنايي سیستمونو کې ثبت شوي دي.

دې وزارت دا اقدام «غوره ګام» بللی او ویلي یې دي چې د عصري ټکنالوژۍ په کارولو سره به د ټرانسپورټي خدمتونو لا ښه‌والی او اسانتیاوې رامنځته شي. سرچینه زیاتوي چې د ډیټا متمرکز مدیریت به د ترافیکي تنظیم او عوایدو راټولولو کې مرسته وکړي.

د ترانسپورټ او هوايي چلند وزارت ژمنه کړې، چې یاد بهیر به پراخ کړي او پاتې کټګورۍ موټر به هم د برېښنايي ثبت تر پوښښ لاندې راولي. د طالبانو د ټرانسپورټ او هوایي چلند وزارت په وینا، د برېښنایي سیستمونو پلي کول به د مواصلاتو په سکتور کې له سرغړونو د مخنیوي او د خدمتونو د چټکتیا لامل شي.

د طالبانو سفارت او وزارت استازو ویلي، چې دواړو لورو د عدلي او قضايي چارو په برخه کې د همکاریو د پیاوړتیا پر عملي لارو هوکړه کړې ده. همداراز، په خبرو کې د هغو حقوقي میکانیزمونو یادونه شوې چې د زندانیانو د اسنادو ارزونې او منظم لېږد بهیر ته زمینه برابروي.

د غونډې په اجنډا کې د دوسیو شریکول، د محاکمو د فیصلو د پېژندنې ترتیبات او د استرداد اړوند حقوقي همغږۍ یادې شوې دي. دواړو خواوو ټینګار کړی چې د افغان بندیانو د انتقال پروسه باید په منظم مهال‌وېش، شفاف تعقیب او د کنسولي ملاتړ تر چتر لاندې پر مخ ولاړه شي.

چارواکو همداراز زیاته کړې، چې د عدلي همکارۍ د اسنادو تخنیکي ټیمونه به د تماس په دوام کې پاتې شي څو د پلي کولو جزئیات تنظیم کړي. د بحثونو بل محور د انساني حقونو مراعات او د بندیانو د کورنیو له خبرولو سره تړلي اجرایي ترتیبات بلل شوي دي.

د پاکستان کرکټ بورډ ویلي، د پي اېس ايل په تاريخ کې په لومړي ځل د سوداګریز امتیاز لپاره دا جایزه ټاکل شوې ده.

دوی وويل، هغه سوداګریز امتیاز چې د پاکستان سوپر ليګ جام سیالیو کې یې د لوبغاړو د پرمختګ لپاره هڅې کړي هغه ته به هم ۲۰۰زره ډالره انعام ورکړل شي.

ټاکل شوې، چې د پي اېس اېل ۱۱پړاو سیالیو پايلوبه به د يکشنبې په ماښام د پېښور زلمي او حېدراباد کنګز لوبډلو ترمنځ د لاهور په قذافي لوبغالي کې ترسره شي.

د ملګرو ملتونو د ماین‌پاکۍ د برخې مشرې کازومي اوګاوا ویلي: «کله چې بودیجې د دفاعي برخو پر لور واوړي او له بشري مرستو لرې شي، نو پایلې یې په ډګر کې په مستقیم ډول لیدل کېږي». هغې زیاته کړې چې په افغانستان کې هره ورځ یو ماشوم د ماینونو له امله مري.

هغې په جنېوا کې د ماین‌ضد اقداماتو د مدیرانو او د ملګرو ملتونو د سلاکارانو په غونډه کې ټینګار کړی، چې د جګړو د زیاتېدو او د بشري مرستو د کمېدو په منځ کې، د ماین‌پاکۍ او د ماینونو د خطرونو د پوهاوي لپاره کافي ملاتړ نه شته.

د ملګرو ملتونو د خبرپاڼې له مخې، د غزې په تړانګه کې شاوخوا ۹۰ سلنه هغه کسان چې د حماس او اسراییل ترمنځ د جګړې له نه‌چاودېدلو ماینونو زیانمن شوي، ملکي وګړي دي او ډېری یې ماشومان دي.

په دې خبرپاڼه کې دا هم ویل شوي، چې په غزه کې له پنځو تر لسو سلنه پورې چاودېدونکي توکي نه دي چاودېدلي او اوس هم د دې سیمې لپاره د مرګوني ګواښ په توګه پاتې دي. ملګرو ملتونو ټینګار کړی چې د ماین‌پاکۍ، د خطرونو د پوهاوي او د بشري مرستو د زیاتولو له لارې کېدای شي د ملکي وګړو د مرګ‌ژوبلې مخه ونیول شي.

مېرمن اوګاوا د سوریې وضعیت هم «ځورونکی» بللی دی. د هغې په وینا، په داسې هېوادونو کې چې په ماینونو ککړ وي، عموماً په کال کې شاوخوا ۳۰۰ کسان د چاودېدونکو توکو له امله وژل کېږي، خو په سوریه کې دا شمېر په اوونۍ کې نږدې ۲۰۰ کسانو ته رسېږي.

افغانستان په نړۍ کې د چاودېدونکو توکو د قربانیانو له پلوه درېیم هېواد دی. د یوناما د معلوماتو له مخې، هره میاشت شاوخوا ۵۰ کسان د جګړې له پاتې شویو چاودېدونکو توکو د چاودنې له امله وژل کېږي یا ټپیان کېږي، چې نږدې ۸۰ سلنه یې ماشومان دي.

د طالبانو له خوا د خپرو شویو شمېرو له مخې، اوس مهال په افغانستان کې شاوخوا اووه میلیونه کسان د ماینونو او نه‌چاودېدلو مهماتو له ګواښ سره مخ دي.

دا پرېکړه د قاضۍ جولیا کوبیک له خوا شوې او د وروستیو میاشتو په ترڅ کې د امریکا د کډوالۍ په سیاستونو کې له مهمو قضایي مداخلو څخه ګڼل کېږي.

د محکمې د حکم له مخې، حکومت نشي کولای چې د انفرادي ارزونې پرته، په عمومي ډول د کډوالۍ او پناه‌غوښتنې د غوښتنو بهیر وځنډوي. قاضي ټینګار کړی، چې دا ډول پراخه پالیسي چې د لسګونو هېوادونو پر وګړو اغېز کوي، کافي حقوقي توجیه نه لري.

د یاد حکم له مخې، هغه تګلاره چې د ۳۹هېوادونو د وګړو د غوښتنو ارزونه یې ځنډولې وه، لغوه شوې او د امریکا اړوند ادارې مکلفې شوې چې د دوسیو څېړنه بېرته پیل کړي، که څه هم د هرې دوسیې وروستۍ پرېکړه لا هم د حکومتي ادارو په واک کې پاتې ده.

دا پرېکړه په داسې حال کې شوې، چې د ټرمپ حکومت په وروستیو میاشتو کې سختې کډوالۍ تګلارې عملي کړې دي، چې له مخې یې د لسګونو هېوادونو د وګړو پر داخلېدو او اقامت پراخ محدودیتونه لګول شوي او د ویزو ورکړه هم کمه شوې ده.

د راپورونو له مخې، د امریکا د بهرنیو چارو وزارت مخکې ویلي وو، چې د ۷۵هېوادونو د وګړو د کډوالۍ ویزو ارزونه به وځنډول شي. تر دې وړاندې هم د ځینو هېوادونو لپاره د کډوالې او غیرکډوالۍ ویزو بهیر محدود شوی و.

په دغو محدودیتونو کې ایران، افغانستان، روسیه، سومالیا، برازیل، مصر، عراق، نایجیریا او تایلنډ شامل وو.

دغه پالیسي تر هغه وروسته لا سخته شوه، چې په نومبر میاشت کې یو افغان وګړي په واشنګټن کې د ملي ګارد پر دوو غړو ډزې وکړې. ورپسې د ۱۹هېوادونو د وګړو پر داخلېدو بندیزونه یا محدودیتونه ولګول شول او وروسته دا محدودیتونه نورو هېوادونو ته هم وغځول شول.

د محکمې د وروستي حکم له مخې، اوس د کډوالۍ د دوسیو عمومي ځنډ لغوه شوی او اړوند ادارې باید د غوښتنو ارزونه دوام ورکړي.

د امریکايي چارواکو د اټکل له مخې، دا مهال شاوخوا ۲۲میلیونه بې‌اسناده کډوال په امریکا کې ژوند کوي. تمه ده چې د ټرمپ حکومت د دې پرېکړې پر وړاندې د استیناف غوښتنه وکړي.