جاپان وايي له ویتنام سره د انرژۍ او کانونو په برخه کې همکاري زیاتوي
د جاپان لومړۍ وزیرې سانای تاکایچي د شنبې په ورځ له خپل ویتنامي سیال لې مین هنګ سره په لیدنه کې ژمنه وکړه، چې له دغه هېواد سره به د انرژۍ او کانونو په برخه کې اړیکې نورې هم پراخې کړي. دواړو لوریو اقتصادي امنیت د دوه اړخیزو همکاریو نوی لومړیتوب وباله.
د جاپان او ویتنام مشرانو په لیدنه کې په ۲۰۲۳ کال کې د رامنځته شوې ستراتیژیکې ملګرتیا پر پیاوړتیا خبرې کړې دي. د دواړو لوریو ترمنځ خبرې د انرژۍ، مصنوعي ځیرکتیا او کانونو باندې تممرکزي وي.
سانای تاکایچي ویلي، چې په منځني ختیځ کې کړکېچ او د تېلو د بیو لوړوالي دا اړینه کړې چې جاپان او د اسان غړي هېوادونه په ګډه خپل اکمالاتي ځنځیرونه پیاوړي کړي.
د جاپان لومړۍ وزیرې ژمنه وکړه چې د «پاور اسیا» نوښت له لارې به د ویتنام د «نګي سون» تصفیه خانې لپاره د خامو تېلو په برابرولو کې مرسته وکړي.
ویتنام که څه هم د نادره ځمکنۍ عناصرو بډایه سرچینې لري، خو د تخنیکي ستونزو او په دې برخه کې د چین د برلاسۍ له امله یې په پروسس کې له ستونزو سره مخ دی.
د راپورونو لهمخې، جاپان غواړي د ویتنام په مرسته په دغو کانونو کې خپله ونډه زیاته کړي ترڅو پر چین خپله تکیه کمه کړي.
