ټانکر ټرکرز: د ایران یوه لویه د تېلو کښتۍ د امریکا له محاصرې تېره او ختیځ ته رسېدلې
د سمندري څار راپورونو او د «ټانکر ټرکرز» د معلوماتو له مخې، چې د نفتو لېږد رالېږد څاري، د ایران د خامو تېلو د استخراج ملي شرکت یوه لویه کښتۍ چې له ۱.۹ میلیونو څخه ډېر بېرله خام تېل یې بار کړي، د امریکا د تعقیبي سیسټمونو له تېرېدو وروسته ختیځو اوبو ته رسېدلې ده.
د دې بار ارزښت شاوخوا ۲۲۰ میلیونه ډالره اټکل شوی دی.
د سمندري څار معلوماتو له مخې، د «هیوج» په نوم دغه کښتۍ چې څه باندې یوه اوونۍ مخکې د سریلنکا په سواحلو کې لیدل شوې وه، اوس د اندونیزیا د لومبوک تنګۍ له لارې د ریاو ټاپوګانو پر لور روانه ده.
