سراج الحق: پاکستان له سخت اقتصادي فشار او ناڅرګند حالت سره مخ دی
د پاکستان د جمعیت اسلامي ګوند پخواني مشر سراج الحق ویلي، چې پاکستان دمګړی له سخت اقتصادي فشار، برېښنا نشتوالي او د بېباورۍ له حالت سره مخ دی. نوموړي ویلي، چې حکومت دې د شخصي ګټو پرځای د ملت ګټو ته لومړیتوب ورکړي.
سراج الحق د پاکستان اوسني اقتصاد وضعیت ته په اشاره پر خپل حکومت غږ کړی، چې په سملاسي ډول دې د عامه ستونزو حل، د بیو کنټرول او کاري فرصتونو رامنځته کولو ته جدي پاملرنه وکړي.
نوموړي ویلي، چې تر څو ملي یووالی او رښتینې پالیسې نه وي، له روانو بحرانونو څخه د پاکستان وتل ناممکن دي.
سراج الحق ویلي، چې د پاکستان په اوسني وضعیت کې اړتیا ده، چې چارواکي له شخصي ګټو تېر شي او د ملت ګټو ته لومړیتوب ورکړي.
