نظرمحمد مطمین: په کابل کې غلاوې زیاتې شوې دي
د طالبانو د المپیک ملي کمېټې او سپورټ پخوانی رییس نظر محمد مطمین په خپل اېکس کې لیکلي، چې په کابل کې غلاوې زیاتې شوې دي. نوموړی ویلي، چې په یوه اونۍ کې د کابل په دارالامان سیمه کې یوازې په یوه کوڅه کې له درې کورونو څخه غلاوې شوې دي.
په دې وروستیو کې د افغانستان د بېلابېلو ولایتونو اوسېدونکو له افغانستان انټرنشنل سره په خبرو کې د وسلهوالو غلاوو په اړه شکایتونه کړي.
دوی وايي، په کابل او نورو ولایتونو کې د موبایلونو، نغدو پیسو، موټرو او د کورونو د لوټلو پېښو له سختې وېرې سره مخ کړي دي.
د کابل اوسېدونکي وايي چې په هېواد کې وسلو ته یوازې طالب جنګیالي لاسرسی لري او ډېری غله د طالبانو په جامو او ظاهري بڼه کې دا چارې کوي.
