د مودي واکمن ګوند د هند په دوو ایالتونو کې د بري په درشل کې دی
د هند د لومړي وزیر نریندرا مودي واکمن ګوند د دوشنبې په ورځ د څلورو مهمو ایالتي ټاکنو له ډلې په دوو کې بری ترلاسه کړی. که دا پایلې رسمي شي، نو د هند له۲۸ ایالتونو ۲۰ او له درې فدرالي سیمو دوه به د مودي او د هغه د متحدینو تر کنټرول لاندې راشي.
د هند د ټاکنو د کمېسیون د لومړنیو شمېرنو له مخې، د مودي د بهارتیا جنتا ګوند (BJP) په ختیځ ایالت اسام کې د درېیم ځل لپاره بیا واک ته رسېدونکی ښکاري او په لوېدیځ بنګال کې هم د پراخ بري په درشل کې دی.
دا دواړه ایالتونه له بنګله دېش سره پوله لري او د ناقانونه کډوالۍ موضوع پکې یوه مهمه انتخاباتي مساله وه.
که دا پایلې رسمي شي، نو د مودي او د هغه د متحدینو تر کنټرول لاندې به د هند ۲۸ ایالتونو له ډلې ۲۰ او همدارنګه د درې فدرالي سیمو له ډلې دوه سیمې راشي.
