اسټرالیا د هرمز تنګي د پرانیستلو پر اړتیا ټینګار وکړ
د اسټرالیا د بهرنیو چارو وزیرې پیني وانګ د هرمز تنګي د پرانیستلو پر اړتیا ټینګار وکړ؛ خو له «ازادۍ پروژې» سره یې د کېنبرا د یوځای کېدو له ژمنې ډډه وکړه. هغې یوې هوکړې ته د رسېدو پر اړتیا ټینګار وکړ او ویې ویل، داسې حل لاره باید وموندل شي چې د هرمز تنګي د خلاصېدو لامل شي.
نوموړې زیاته کړه: «دا څرګنده ده، چې په هرمز تنګي کې ګڼې کښتۍ بندې دي او ما مخکې د انرژۍ بازارونو او د دغه کښتیو د تېرېدو لپاره د یاد تنګي د پرانیستلو اړتیا په اړه خبرې کړې دي. موږ د دغه تنګي د پرانیستلو لپاره له امریکا، برېتانیا او فرانسې سره خبرې کړې او موږ به دغه خبرو ته دوام ورکړو».
