د رزمي لوبو افغان لوبغاړي امیدالله عليزاده د سرو زرو، سپینو زرو او برونزو مډالونه وګټل
د ساواته برخې افغان لوبغاړي او د افغانستان د یادې برخې د ملي لوبډلې پخواني غړي امیدالله عليزاده په نیپال کې د ساواته په اسیا او نړۍوالو سیالیو کې د سرو زرو، سپینو زرو او برونزو مډالونه وګټل.
عليزاده په دغه سیالیو کې د هند، نیپال او اندونیزیا سیالانو ته ماتې ورکړه او په زړهپوری فعالیت یې ترسره کړ. دغه افغان لوبغاړي په کامبت (Combat) برخه کې د سرو زرو مډال او په اسوت (Assaut) برخه کې د سپینو زرو او برونزو مډالونه وګټل.
عليزاده په دغه سیالیو کې د ګډون لپاره په کېنیا کې د کډوالو له پنډغالي څخه نیپال ته سفر کړی و.
دغه افغان لوبغاړی اوسمهال په کېنیا کې د کډوالو په توګه ژوند کوي او په کاکوما پنډغالي کې هغو ځوانانو ته چې د فرانسوي سوک وهنې یا ساواته برخې ته لېوالتیا لري، روزنه ورکوي.
