روسیې له اوکراین سره د «بریا ورځې» په ویاړ دوه ورځنی اوربند اعلان کړی
د روسیې د بهرنیو چارو وزارت ویلي چې مسکو د مې په ۸ او ۹ مه د «بریا ورځې» په مناسبت اوربند اعلانوي او له اوکراین څخه یې د ورته اقدام تمه کړې، خو خبرداری یې ورکړی چې د اوربند د ماتېدو په صورت کې به سخت پوځي ځواب ورکړي.
د روسیې د بهرنیو چارو وزارت په ایکس خواله رسنۍ کې د دفاع وزارت له قوله ویلي چې روسیه د مې د ۸ او ۹ مې نېټې لپاره د اوربند پرېکړه کړې، څو د دویمې نړیوالې جګړې د بریا ورځ ولمانځل شي.
په بیان کې له اوکراین څخه غوښتنه شوې چې د ورته اقدام په کولو سره د جګړې د لنډمهاله درولو دې پروسې ته غاړه کېږدي.
خو د روسیې دفاع وزارت خبرداری ورکړی چې که د اوکراین حکومت هڅه وکړي د دې مراسمو د ګډوډولو لپاره بریدونه وکړي، نو مسکو به «سخت او پراخ ځواب» ورکړي.
