د سپاه پاسداران ویاند: په هرمز تنګي کې به سرغړوونکې کښتۍ «په زور» ودرول شي
د سپاه پاسداران ویاند حسین محبي ویلي، په هرمز تنګي کې به هغه سمندري تګراتګ چې د سپاه د سمندري ځواک له اعلان شویو اصولو سره په ټکر کې وي؛ له «جدي ګواښونو» سره مخ شي.
هغه زیاته کړې، چې سرغړوونکې کښتۍ به «په بشپړ ځواک سره» ودرول شي. سپاه پاسداران ټینګار کړی، چې د کښتۍ چلوونکو شرکتونو او د ترانسپورټي بیمې ادارې باید د سپاه پاسداران اعلامیو ته پام وکړي.
