د افغانستان د فوټبال ملي لوبډله د مالدیف په کوربهتوب لوبلړۍ کې ګډون کوي
د افغانستان فوټبال فدراسیون خبر ورکړی، چې ملي لوبډله به د مالدیف په کوربهتوب په نړۍواله لوبلړۍ کې ګډون وکړي. دغه فدراسیون زیاته کړې، چې یادې سیالۍ به د روان کال د جون په لومړۍ نېټه پیل او د همدې میاشتې تر ۱۰مې نېټې دوام وکړي.
د افغانستان فوټبال فدراسیون د دوشنبې په ورځ (د غویي ۱۴مه) په یوې خبرپاڼه کې ویلي، چې په دغه سیالیو کې د افغانستان ترڅنګ د پاکستان او مالدیف ملي لوبډلې او د بنګلهدېش تر ۲۳ کلنو کم عمره لوبډله هم برخه واخلي او یو د بل سره به سیالۍ ترسره کړي.
