امریکا ایران ته د ستنېدو لپاره «توسکا» بېړۍ او د هغې عمله پاکستان ته انتقال کړه
اېبيسي نیوز د امریکا د مرکزي قوماندانۍ ویاند ټیم هاوکینز په حواله راپور ورکړی، هغه ایرانۍ بېړۍ «توسکا» چې د امریکا سمندري ځواکونو نیولې وه؛ له خپلې عملې سره یوځای پاکستان ته لېږدول شوې تر څو بېرته ایران ته ستنه شي.
ټیم هاوکینز زیاته کړې: «نن امریکایي ځواکونو د توسکا بېړۍ ۲۲ کسیزه عمله پاکستان ته انتقال کړه؛ څو خپل هېواد ته ستنه شي. شپږ نور کسان هم تېره اوونۍ د بېرته ستنېدو لپاره د سیمې یو بل هېواد ته لېږدول شوي وو».
د ایران دولتي رسنیو ویلي، چې دغه شپږ کسان د ځینو عملې د کورنۍ غړي وو. هاوکینز دا هم وویل: «وروسته له هغه چې د توسکا بېړۍ تېره میاشت د امریکا د سمندري کلابندۍ د ماتولو پرمهال ونیول شوه، اوس بېرته خپل اصلي څښتن ته سپارل کېږي».
