ایران د وروستیو لاریونونو پرمهال نیول شوي درې لاریون کوونکي اعدام کړل
د ابراهیم دولتابادي، مهدي رسولي او محمد رضا میري په نوم هغه درې لاریون کوونکي چې د «ملي انقلاب» په نامه د ایران د وروستیو لاریونونو پرمهال نیول شوي وو، د مشهد په وکیلاباد زندان کې اعدام شول.
د ایران د قضایه قوې د اعلان له مخې؛ دولتابادي د «محاربې» په تور اعدام شوی. د هغه سزا د مشهد انقلابي محکمې لهخوا صادره شوې وه او د سترې محکمې لهخوا تایید شوه.
د هرانا په نوم د بشري حقونو وېبپاڼې هم راپور ورکړی، چې ۲۵ کلن رسولي او ۲۱ کلن ميري هم نن سهار اعدام شوي دي. دوی ته د حمیدرضا یوسفينژاد په نوم د بسیج د یوه غړي د وژنې په قضیه کې د مرګ سزا ورکړل شوې ده.
