ایرانی چارواکی: هرمز تنګي کې د امریکا مداخله به له اوربند سرغړونه وي
د ایران د پارلمان د ملي امنیت کمېسیون مشر ابراهیم عزیزي د ټرمپ د هغه پلان په اړه غبرګون ښودلی، چې له مخې یې په هرمز تنګي کې له بندپاتې کښتیو سره مرسته کوي. هغه پر اېکس پاڼه لیکلي: «خبردار! په هرمز تنګي کې د امریکا هر ډول مداخله به له اوربند سرغړونه وي».
عزیزي زیاته کړه: «د هرمز تنګی او فارس خلیج به د ټرمپ په خیالي پوستونو اداره نهشي. هیڅوک به په اټکل شويو سناریوګانو باور ونهکړي».
ورته مهال د ایران د خاتم الانبیاء د مرکزي قوماندانۍ قوماندان علي عبداللهي ګواښ وکړ: «هر بهرنی وسلهوال ځواک په ځانګړې توګه یرغلګر امریکایي پوځ، که هرمز تنګي ته د نږدې کېدو او ننوتو اراده ولري، په نښه به شي».
هغه وویل: «موږ ټولو سوداګریزو کښتیو او ټانکرونو ته اعلان کوو، چې په هرمز تنګي کې له مېشتو وسلهوالو ځواکونو سره له همغږۍ پرته د هر ډول لېږد اقدام څخه ډډه وکړي؛ ترڅو د دوی امنیت له ګواښ سره مخ نهشي».
عبداللهي زیاته کړه، چې «د دښمن لهخوا د هر ډول ګواښ یا تېري په وړاندې چې په هره کچه او د ایران په هره سیمه کې وي، د ایران وسلهوالو ځواکونو له سخت ځواب سره به مخ شي».
