د رومانیا حکومت د عدم اعتماد رایې له امله ړنګ شو

روسیې په دویمه نړیواله جګړه کې د نازي جرمني پر وړاندې د شوروي اتحاد د بري په مناسبت د مې پر۸مه او ۹مه اوربند اعلان کړی.

اوکراین د چارشنبې له شپې څخه د یو نامحدود اوربند وړاندیز کړی او له روسیې یې غوښتي چې ورته ګام واخلي.

ولسمشر ولادیمیر زیلېنسکي وویل چې دا د منلو وړ نه ده چې روسیه یوازې د خپل پوځي پریډ لپاره د یوې ورځې لپاره بریدونه ودروي، په داسې حال کې چې پر اوکراین یې درانده بریدونه کړي دي.

د اوکراین بېړنیو خدماتو ادارې د ټیلیګرام له لارې وویل چې په زاپورېژیا ښار کې لږ تر لږه ۱۲ کسان وژل شوي دي. د سیمې والي ایوان فېدوروف په وینا، لږ تر لږه ۱۶ نور کسان ټپیان شوي دي.

هغه وویل چې د استوګنې ودانۍ، د موټرو ترمیم مرکز او د موټرو وینځلو یو ځای په دې برید کې زیانمن شوي دي.

زیلنسکي وویل چې پر ختیز کراماتورسک ښار درې هوايي بمونه غورځول شوي چې په پایله کې یې ۵ کسان وژل شوي دي. هغه زیاته کړه چې ۵ نور ټپیان دي او ښايي د مړو شمېر زیات شي.

د اوکراین د چارواکو په وینا، د پولتافا په سیمه کې د ګازو پر تولیدي تاسیساتو د روسیې د شپې برید کې ۵ کسان وژل شوي دي.

په روسیه کې بیا د چواشیا په سیمه کې د اوکراین د ډرون برید له امله دوه کسان وژل شوي دي.

د مودي ګوند په بنګال ایالت کې د ممتا بنرجي د ټرینامول کانګرس ګوند ته ماتې ورکړه.

دغه ګوند له ۲۰۱۱ کال راهیسې په واک کې و. بي جي پي د بنګال په ایالتي ټاکنو کې دوه پردرې رایې ګټلې دي.

د ممتا بنرجي ګوند څوکۍ له ۲۱۵ څخه ۸۰ ته راټیټې شوې او خپله بنرجي هم څوکۍ وبایلله.

بنرجي ادعا وکړه چې شاوخوا ۱۰۰ څوکۍ له دوی څخه «په زور اخیستل شوې» دي او د ټاکنو کمیسیون یې هم په پلوۍ تورن کړی دی.

هغې وویل: «زه استعفا نه ورکوم، ما ماته نه ده خوړلې».

هغه زیاته کړه چې دوی به اجازه ورنه کړي چې «ناروغ او لېوني» کسان اټومي وسلو ته لاسرسی ومومي او ټینګار یې وکړ چې تهران به هېڅکله داسې وسلې ترلاسه نه کړي.

ټرمپ په اوول دفتر کې خبریالانو ته وویل چې د ایران پوځ اوس یوازې «سپکو ډزو» ته پاتې شوی او تهران په پټه غواړي له امریکا سره معامله وکړي، خو په ښکاره سخت دریځ ښيي.

د سیمه‌ییزو روغتیايي سرچینو په وینا، دغه بریدونه د سې‌شنبې په ورځ د غزې ښار په بېلابېلو سیمو کې شوي دي. د رویټرز د راپور له مخې، په دې بریدونو کې د شیخ رضوان سیمې ته نږدې په یوه هوايي برید کې یو کس وژل شوی او دوه نور ټپیان شوي دي.

وروسته په همدې ورځ، د غزې په شمال کې د پولیسو پر یوه مرکز د اسراییل په برید کې یو ۱۵ کلن ماشوم وژل شوی دی.

سره له دې چې د ۲۰۲۵ کال په اکتوبر کې اوربند اعلان شوی و، خو په غزه کې تاوتریخوالی لا هم دوام لري او دواړه لوري یو بل د اوربند د ماتولو په تور ملامتوي.

د غزې د روغتیايي چارواکو د معلوماتو له مخې، د اوربند له پلي کېدو راهیسې تر اوسه لږ تر لږه ۸۳۰ فلسطینیان وژل شوي دي. بل خوا اسراییل وایي چې په همدې موده کې څلور اسراییلي سرتېري د فلسطیني وسله‌والو له لوري وژل شوي دي.

د راپورونو له مخې، د ۲۰۲۳ کال له اکتوبر راهیسې د جګړې له پیل وروسته تر اوسه له ۷۲ زره زیات فلسطینیان وژل شوي، چې ډېری یې ملکي وګړي دي.

ټرمپ په خپلو څرګندونو کې ویلي: «دوی به د خپلو نفتو د څاه‌ګانو له طبیعي چاودنو سره مخ شي، او دا به د دې سبب شي چې د بیا رغونې بهیر یې نږدې ناممکن شي.»

هغه زیاته کړې چې د نفتو د جریان تخنیکي بندېدل کولای شي جدي پایلې ولري او په ډېرو مواردو کې د څاه‌ګانو د زیانمنېدو سبب ګرځي.

د امریکا ولسمشر ټینګار کړی چې که دا ډول وضعیت رامنځته شي، نو د ایران د نفتو پر سیسټم به درانه اغېز وکړي او د بیا رغونې وړتیا به یې محدوده شي. د هغه په وینا، حتی که یوه برخه بیا ترلاسه هم شي، نو د پخواني ظرفیت ته به ونه رسېږي.

ټرمپ همدارنګه یو ځل بیا د ایران د اټومي پروګرام په اړه وویل چې «په هر ډول شرایطو کې به ایران ته اجازه ور نه کړل شي چې اټومي وسلو ته لاسرسی ومومي.»