ټرمپ وايي ایران باید د تسلیمۍ سپین بیرغ پورته کړي
د امریکا ولسمشر ډونالډ ټرمپ د سې شنبې په ورځ د ایران پوځي وړتیا کمزورې وبلله او ویې ویل چې تهران «باید د تسلیمېدو سپین بیرغ پورته کړي»، خو زیاته یې کړه، «ایران دومره مغرور دی چې دا کار نه کوي».
هغه زیاته کړه چې دوی به اجازه ورنه کړي چې «ناروغ او لېوني» کسان اټومي وسلو ته لاسرسی ومومي او ټینګار یې وکړ چې تهران به هېڅکله داسې وسلې ترلاسه نه کړي.
ټرمپ په اوول دفتر کې خبریالانو ته وویل چې د ایران پوځ اوس یوازې «سپکو ډزو» ته پاتې شوی او تهران په پټه غواړي له امریکا سره معامله وکړي، خو په ښکاره سخت دریځ ښيي.
