د پېسو نړۍوال صندوق د ایران د جګړې دوام له امله د اقتصادي پایلو په اړه خبرداری ورکړ
د پېسو نړۍوال صندوق (ایاېماېف) مشرې کریستالینا جورجیوا خبرداری ورکړی، چې انفلاسیون لا دمخه مخ په لوړېدو دی. د هغې په خبره؛ که په منځني ختیځ کې جګړه تر ۲۰۲۷کال پورې دوام وکړي او د تېلو هر بېرله بیه شاوخوا ۱۲۵ ډالرو ته لوړه شي؛ نو نړۍوال اقتصاد به له ناوړه وضعیت سره مخ شي.
هغې وویل، د جګړې دوام دا معنا لري چې د دغه ادارې «اصلي سناریو» نور عملي کېدونکې نهده. د دغه سناریو له مخې؛ اټکل دا و چې جګړه به لنډمهاله وي او نړۍوال اقتصادي وده به یوازې لږه راکمه شي او ۳.۱ سلنې ته به راټیټه شي، بیې به لږې لوړې شي او ۴.۴ سلنې ته به ورسېږي.
د پېسو نړۍوال صندوق مشرې ویلي، چې د جګړې له دوام سره به د هر بېرله تېلو بیه شاوخوا ۱۰۰ ډالره لوړه شي.
