داعش- خراسان ډلې د مولانا محمد ادریس د وژنې مسوولیت ومانه
یادې ډلې پر خپل ټېلګرام په خپره کړې اعلامیه کې ویلي، چې نن سې شنبه د دوی وسلهوالو د مولانا محمد ادریس ترنګزي موټر په نښه کړی، چې له امله یې نوموړی وژل شوی او د هغه له ساتونکو څخه دوه تنه ټپیان شوي دي.
مولانا محمد ادریس د جمعیت علمای اسلام ګوند له مهمو څېرو څخه و او د ګوند له مشر مولانا فضل الرحمان سره یې نږدې اړیکې درلودې.
هغه همداراز د دارالعلوم حقانیه مدرس و، چې ګڼ شمېر افغان طالب مشران او دیني زدهکوونکي یې روزلي وو.
تر اوسه د پاکستان امنیتي ادارو له لوري د پېښې په اړه رسمي جزییات نه دي خپاره شوي.
په دې وروستیو کې په خیبرپښتونخوا کې د دیني عالمانو او سیاسي څېرو پر وړاندې هدفي بریدونه زیات شوي، چې د امنیتي وضعیت په اړه یې اندېښنې راپارولې دي.
