طالبانو په چین کې د چاودنې له امله پر اوښتې مرګژوبلې خواشیني وښوده
د طالبانو د بهرنیو چارو وزارت د یوې اعلامیې په خپرولو سره د چین د هنان ولایت په لیانګ ښار کې د اورلوبې په یوه فابریکه کې د شوې چاودنې له امله د ۲۶ مړو شویو کسانو له کورنیو سره خواخوږي ښودلې ده.
د سې شنبې په ورځ، د غويي پر ۱۵مه، په چین کې د اورلوبو د توکو په یوه فابریکه کې د چاودنې له امله لږ تر لږه ۲۶ کسان مړه او ۶۱ نور ټپیان شول.
دغه پېښه د چین په مرکزي هنان ولایت کې د لییانګ ښار په یوه صنعتي کمپلکس کې شوې، چې د هېواد د اورتوکو د تولید مهم مرکز بلل کېږي.
د چین د دولتي رسنیو د راپور له مخې، ولسمشر شي جین پینګ د پېښې د هر اړخیزې څېړنې امر کړی دی.
