طالبان له یوه خصوصي شرکت سره د اداري سیستمونو پر ډیجیټلي کولو غږېدلي

د طالبانو د امربالمعروف وزارت ویاند سیف الاسلام خبر پر خپلې اېکس‌پاڼې لیکلي، چې د یاد وزارت د محتسبانو په ځانګړې توګه ښځینه کارکوونکو له‌خوا د کابل د تایمني پروژې په سیمه کې د یوې ښځې د وهلو ټکولو موضوع شخصي وه او د یاد وزارت کارکوونکي پکې لاس نه لري.

نوموړي ویلي، چې د یاد وزارت په چوکاټ کې هېڅ ښځینه کارکوونکې نشته.

نوموړي دغه غبرګون پرداسې مهال ښودلی، چې د دوشنبې په ورځ، د کابل یو شمېر اوسېدونکو افغانستان انټرنشنل ته یوه ویډیو استولي وه، چې د تایمني پروژې په سیمه کې د یوې ځوانې ښځې د وهلو ټکولو صحنه پکې ښکاري.

د طالبانو په امر بالمعروف کې د ښځینه کارکوونکو د نشتوالي رپوټ داسې مهال ورکول کیږي، چې له ښځو سره ددغه وزارت د نارینه محتسبانو پر چلند ګڼې نیوکې دي.

ددغه موزیم مسوولان وايي، چې دا به د سیلانیانو په جذب کې مهم رول ولري.

په دغه موزیم یا تالار کې۷۵۰ زاړه مخابراتي وسایل نندارې ته اېښودل شوي دي.

دغه اثارله شاوخوا ۱۲۰ کلونو پخوا مودې څخه تر نن ورځې پورې اړوند دي او د بېلابېلو دورو په ترڅ کې د مخابراتي او ساینسي وسایلو د پرمختګ بهیر ښيي.

د طالبانو د عامې روغتیا وزارت د چارشنبې په ورځ، د غویي پر ۱۶مه،وویل، چې د اسلامي پراختیايي بانک او د بنګله‌دېش د(ډي‌ډي‌سي‌ایل)شرکت استازو د روغتون اړوند طرحه د پریزنټېشن له لارې تشریح کړه.

یاد وزارت وايي، د طالبانو مسوولانو د طرحې د ښه والي لپاره خپل نظرونه شریک کړل او له اړوندو لوریو یې وغوښتل چې بشپړ اسناد له وزارت سره شریک کړي، څو هر اړخیزه ارزونه یې وشي.

د وزارت په وینا، په دې ناسته کې د طالبانو د روغتیا وزارت یو شمېر لوړپوړو چارواکو، د نړیوالو اړیکو، معالجوي طب، پلان او پالیسۍ برخو مسوولینو او تخنیکي کارپوهانو ګډون کړی و.

په غونډه کې د یاد روغتون د پروژې پر ماسټر پلان، تخنیکي اسنادو او تفصیلي طرحې مفصل بحث شوی دی.

د یاد وزارت د معلوماتو له مخې، ټاکل شوې چې د دې پروژې د پرمختګ لپاره راتلونکې ناسته په نږدې وخت کې په حضوري ډول وشي.

د طالبانو یادې ادارې ویلي، چې د جغرافیايي معلوماتو او ریموټ سنسنګ ټکنالوژۍ د ارزونو پر بنسټ، دمګړی د هېواد د ځنګلونو او بوټو ټولیزه ساحه ۳،۳ میلیونه هیکټاره ده، چې د ټول افغانستان ۵،۰۵ سلنه جوړوي.

د یادې ادارې په وینا، ډېره برخه ځنګلونه ۲۷۴ زره هیکټاره په نورستان کې، ۲۵۳ زره هیکټاره په کونړ، ۱۸۰ زره هیکټاره په بادغیس، ۱۷۰ زره هیکټاره پکتیا، ۱۲۸ زره هیکټاره په خوست او ۱۱۹ زره هیکټاره ځنګلونه په پکتیکا کې دي.

د طالبانو د احصايي او معلوماتو ادارې ویلي، چې د ځنګلونو په ګڼېدو کې تر ټولو ډېر مثبت بدلون په پکتیا، خوست، بدخشان، بغلان، بادغیس، ننګرهار، کونړ، هرات او لغمان ولایتونو کې ثبت شوی دی.

یادې ادارې ویلي، چې طبیعي ځنګلونه د افغانستان ملي شتمني ده چې په اقتصادي پرمختګ کې بنسټیز رول لري.

دا په داسې حال کې ده، چې د اقلیم بدلون له امله ګڼ ولایتونو له وچکالۍ سره مخ دي او د هېواد په ختیزو ولایتونو کې په خپلسري توګه د ځنګلونو د وهلو اندیښني هم لا پرځای دي.

د فرهاد غفوري د بندي کېدو په اړه د راپورونو له خپرېدو وروسته، طالبانو نوموړی له پنځلس ورځني بند وروسته نن خوشې کړ.

طالبانو له نوموړي څخه ویډیويي اعتراف اخیستی دی او ښکاري چې هغه د خبرو کولو پرمهال یو او بل لوري ته سترګې اړوي.

نوموړي په خپل اعتراف کې ویلي، چې د طالبانو له‌خوا شکنجه کول یې حقیقت نه لري او هغه نه دی زنداني شوی.

نوموړي ویلي، چې هغه د رسنیز فعالیت له امله نه، بلکې د یوې حقوقي مسالې له امله امنیه قوماندانۍ او محکمې ته مراجعه کړې وه.

د افغانستان د رسنیو ملاتړ سازمان (امسو) هم تېره ورځ د یوې اعلامیې په خپرولو سره په لوګر کې د طالبانو له لوري د یوې سیمه‌ییزې راډیو د مشر فرهاد غفوري په نیول کېدو اندېښنه څرګنده کړې وه.