طالبانو په کابل کې د زړه ناروغیو د ۱۰۰ بستریز روغتون جوړېدو خبر ور کړی

د طالبانو یادې ادارې ویلي، چې د جغرافیايي معلوماتو او ریموټ سنسنګ ټکنالوژۍ د ارزونو پر بنسټ، دمګړی د هېواد د ځنګلونو او بوټو ټولیزه ساحه ۳،۳ میلیونه هیکټاره ده، چې د ټول افغانستان ۵،۰۵ سلنه جوړوي.

د یادې ادارې په وینا، ډېره برخه ځنګلونه ۲۷۴ زره هیکټاره په نورستان کې، ۲۵۳ زره هیکټاره په کونړ، ۱۸۰ زره هیکټاره په بادغیس، ۱۷۰ زره هیکټاره پکتیا، ۱۲۸ زره هیکټاره په خوست او ۱۱۹ زره هیکټاره ځنګلونه په پکتیکا کې دي.

د طالبانو د احصايي او معلوماتو ادارې ویلي، چې د ځنګلونو په ګڼېدو کې تر ټولو ډېر مثبت بدلون په پکتیا، خوست، بدخشان، بغلان، بادغیس، ننګرهار، کونړ، هرات او لغمان ولایتونو کې ثبت شوی دی.

یادې ادارې ویلي، چې طبیعي ځنګلونه د افغانستان ملي شتمني ده چې په اقتصادي پرمختګ کې بنسټیز رول لري.

دا په داسې حال کې ده، چې د اقلیم بدلون له امله ګڼ ولایتونو له وچکالۍ سره مخ دي او د هېواد په ختیزو ولایتونو کې په خپلسري توګه د ځنګلونو د وهلو اندیښني هم لا پرځای دي.

د فرهاد غفوري د بندي کېدو په اړه د راپورونو له خپرېدو وروسته، طالبانو نوموړی له پنځلس ورځني بند وروسته نن خوشې کړ.

طالبانو له نوموړي څخه ویډیويي اعتراف اخیستی دی او ښکاري چې هغه د خبرو کولو پرمهال یو او بل لوري ته سترګې اړوي.

نوموړي په خپل اعتراف کې ویلي، چې د طالبانو له‌خوا شکنجه کول یې حقیقت نه لري او هغه نه دی زنداني شوی.

نوموړي ویلي، چې هغه د رسنیز فعالیت له امله نه، بلکې د یوې حقوقي مسالې له امله امنیه قوماندانۍ او محکمې ته مراجعه کړې وه.

د افغانستان د رسنیو ملاتړ سازمان (امسو) هم تېره ورځ د یوې اعلامیې په خپرولو سره په لوګر کې د طالبانو له لوري د یوې سیمه‌ییزې راډیو د مشر فرهاد غفوري په نیول کېدو اندېښنه څرګنده کړې وه.

د بنو د ښاري پولیسو یوه مشر مفیز خان افغانستان انټرنشنل ته وویل، چې تورن کس له دغې ښځې څخه د هغې د لور د کوژدې غوښتنه کوله، خو کله چې ښځې انکار وکړ، هغه پرې ډزې وکړې.

د پولیسو په وینا، دغه ښځه په ډزو سخته ټپي شوه او په روغتون کې له څو ساعتونو مرګونې مبارزې وروسته یې د سې شنبې په شپه ناوخته سا ورکړه.

د ځایي خبریالانو د راپور له مخې، د وژل شوې ښځې کورنۍ او خپلوانو د چارشنبې په سهار د هغې جسد د منډان پر سړک کېښود او لاریون یې پیل کړ. لاریونوالو له پولیسو څخه په کلکه وغوښتل چې د پېښې عامل سملاسي ونیسي.

یاد کمېسیون ویلي، چې په پاکستان کې د افغان کډوالو ځندول د دې لامل شوي‌ چې ښځې، ماشومان او سپین ږري د سړک پر سر له سختو ستونزو سره مخ شي.

د طالبانو تر واک لاندې د کډوالو ستونزو ته د رسېدنې عالي کمېسیون له پاکستان څخه غوښتنه کړې، چې د کرښې ها خوا دې افغان کډوال نه ځنډول کېږي.

طالبانو ویلي، چې په افغانستان کې د هر څومره ډېرو کډوالو د جذب او ځای پر ځای کولو لپاره ټول اړین امکانات لري.

همدارنګه یاد کمېسیون له بهرنیو بنسټونو او د ملګرو ملتونو د کډوالو له نړۍوالې ادارې غوښتنه کړي، چې له پاکستاني لوري سره دې د افغان کډوالو د نه ځورولو او هغوی ته د لارې پرانیستلو په اړه وغږیږي.

کرزي د چارشنبې په ورځ، د غویي پر ۱۶مه، پر اېکس‌پاڼه ویسا ته د یادې جایزې د ترلاسه کولو مبارکي ورکړې او د زده‌کړې او ټولنیزو فعالیتونو په برخه کې یې د هغه هڅې ستایلې دي.

کرزي همداراز ویلي، چې ویسا ته د لا زیاتو بریاوو هیله لري.

د افغان نجونو د زده‌کړو د حقونو فعال او د طالبانو پخوانی زنداني مطیع الله ویسا د فرانسې د «ازادۍ ۲۰۲۶» جايزه ګټلې ده. دا جايزه د فرانسې د نورماندي سيمې له خوا او د نړۍ له بېلابېلو هېوادونو د زرګونو کسانو په رايو سره ویسا ته ورکړل شوې ده.

د فرانسې د نورماندي سيمې شورا د ۲۰۲۶ کال د مې په ۵مه اعلان وکړ چې دا جايزه د «زده‌کړې د حق د پراختيا لپاره د ویسا د نه ستړې کېدونکو هلو ځلو، په ځانګړي ډول په افغانستان کې د طالبانو تر واک لاندې د نجونو لپاره» د درناوي په توګه ورکړل شوې ده.

د ازادۍ جايزه په ۲۰۱۹ کال کې د فرانسې د بشري حقونو او سولې له نړيوال انستيتوت سره په همکارۍ تنظیم شوې او هر کال هغه کس ته ورکول کېږي چې د ازادۍ او بشري حقونو په دفاع کې يې مهمه ونډه لرلې وي.

د دې جايزې په اتم پړاو کې ۱۸ زره او ۷۰۸ ځوانانو له ۷۵ هېوادونو څخه په رايه‌ورکولو کې برخه واخيسته او مطیع‌الله ویسا يې د ګټونکي په توګه وټاکه.