د افغانستان لپاره د ملګرو ملتونو د ماشومانو څخه د ملاتړ صندوق استازي تاجالدین اویوواله ویلي، هر ماشوم د زدهکړې لپاره خوندي ځای او د راتلونکې د جوړولو وسایلو ته اړتیا لري. هغه زیاته کړې، چې یونسېف او ملګرو یې څلورو میلیونو ماشومانو ته د زدهکړې او ښوونې توکي برابر کړي دي.
نوموړي ویلي، چې یونسېف او شریک بنسټونو یې د تدریس او زدهکړې د موادو له لارې لږ تر لږه څلور میلیونه افغان ماشومانو ته ملاتړ برابر کړی دی. د دې تر څنګ، د ده په وینا، ۲۳۲ دولتي ښوونځي بیارغول شوي تر څو زدهکوونکو ته د زدهکړې لپاره ښه او معیاري چاپېریال رامنځته شي.
د یونسېف استازي زیاته کړې، چې دغه هڅې د ښوونځیو فزیکي وضعیت ته د پاملرنې تر څنګ د زدهکوونکو د ودې او خوندیتوب په برخه کې هم مهم بدلونونه رامنځته کوي. هغه ویلي چې د تعلیمي موادو وېش د ښوونکو او زدهکوونکو پر لاسرسي او کیفیت مثبت اغېز کړی دی.
یونسېف له خپلو همکارو ادارو سره یوځای ټینګار کړی، چې د افغانستان ماشومانو ته د زدهکړې خوندې چاپېریال او بنسټیز ملاتړ برابرول به دوام ولري. اویوواله وایي چې د ښوونیزو پروګرامونو پراخوالی د هېواد په کچه د زدهکوونکو د اړتیاوو په کچه همغږي شوی دی.
