پاکستانۍ سرچینې رویټرز ته: امریکا او ایران د جګړې پای ته رسولو ته نږدې شوي
د پاکستان یوې منځګړې سرچینې رویټرز ته ویلي، امریکا او ایران د جګړې پای ته رسولو لپاره د یوه لنډ، یومخیز هوکړه لیک په اړه وروستي پړاو ته نږدې شوي دي. سرچینې ویلي: «موږ ډېر نږدې شوي یو، دا به ډېر ژر پای ته ورسېږي».
دغه سرچینه چې له مذاکراتو سره نږدې بلل شوې، وایي، په دې اړه د اکسیوس امریکايي رسنۍ خپور شوی رپوټ سم دی.
په یاد راپور کې ویل شوي وو چې د امریکا لوړپوړي چارواکي او نور اړوند کسان له ایران سره د احتمالي هوکړې په اړه خبرې کوي.
د راپور له مخې، پاکستان چې مخکې یې منځګړیتوب کړی و، اوس هم د منځګړي رول ته دوام ورکوي او د دواړو خواوو ترمنځ وړاندیزونه تبادله کوي.
