د ازاده مبارزو افغان لوبغاوی واحدالله نژند راتلونکې شنبه (د غویي ۱۹مه) به د ارجنټاین له لوریانو سټاروپولي سره مخ شي. دغه لوبه به د FNC سازمان په ۳۰م پړاو کې د ۷۷ کیلوګرامه وزن په کټګورۍ کې د کرواسیا په زادار ښار کې ترسره شي.
نژند چې پخوا یې په اوکټاګون سازمان کې سیالي کوله، د ۱۴۰۴کال د مرغومي په وروستیو کې یې له FNC سازمان سره یو تړون لاسلیک کړ. هغه په خپلو ۱۲ مسلکي سیالیو کې ۱۰ بریاوې او ۲ ماتې لري، پهداسې حال کې چې د هغه ارجنټاینی سیال ۱۳ بریاوې او ۷ ماتې لري.
نژند په اوکټاګون سازمان کې غوره فعالیت ښودلی او ان د خپل وزن په کټګورۍ کې د کال غوره لوبغاړی هم نومول شوی دی. هغه اوس په یوه نوي سازمان کې خپله لومړۍ لوبه تجربه کوي، چې څلور پرلهپسې بریاوې لري.
د نژند وروستۍ لوبه په اوکټاګون سازمان کې د تاجک لوبغاړي شوخ نظروف پر وړاندې وه، چې له سختو ټپونو سره، سره وتوانېده خپل سیال له «کېمورا» تخنیک سره مات کړي. د FNC سازمان په وینا؛ نژند به په خپل ټول ځواک سره د لوبو ډګر ته ښکته شي او په لومړۍ سیالۍ کې به خپلې وړتیاوې وښيي.
