هسپانیا له ۳۰ ټنه کوکایینو ډکه بیړۍ او د بیړۍ ۲۳ کارکوونکي نیولي
د هسپانیا پولیسو ویلي چې کینري ټاپوګانو ته نږدې یې له یوې بېړۍ څخه ۳۰ ټنه کوکایین نیولي او د بېړۍ ۲۳ کسیزه عمله یې هم زنداني کړې ده. چارواکو د دې نشهيي توکو ارزښت له ۸۱۲ میلیونه یورو زیات اټکل کړی.
د هسپانیا عالي محکمې ویلي، دا د اروپا په تاریخ کې د کوکایین تر ټولو ستره نیونه بلل کېږي.
د «ارکونین» په نوم دغه بېړۍ، چې د کومورو ټاپوګانو بیرغ یې لاره، د مې په لومړۍ نېټه د هسپانیا د ګاردیا سیویل ځواکونو ودروله.
دا نیونه د جرمني په هامبورګ بندر کې د ۲۰۲۴ کال د ۲۵ ټنه کوکایین له ریکارډ څخه هم لویه ده.
