د حج له جواز پرته مکې ته د ننوتلو هڅه؛ د سعودي امنیتي ځواکونو پنځه افغانان نیولي دي

د هرات ولایت لپاره د طالبانو د رسنیو دفتر د پنجشنبې په ورځ (د غويي ۱۷) د یوې خبرپاڼې په خپرولو سره وايي، دمګړۍ په یاد مرکز کې د خوراکي توکو ازمېښت پیل شوی او د درملو او خوراکي برخو د تجهیزاتو په بشپړېدو سره به سوداګرو او صنعتکارانو ته ګڼې اسانتیاوې برابرې شي.

په خبرپاڼه کې راغلي: «دا اقدام کولی شي د هېواد دننه د درملو، خوراکي توکو او روغتیایي محصولاتو د معیاري ازمېښت زمینه برابره کړي».

د خبرپاڼې له‌مخې، تر دې وروسته سوداګر او صنعتکاران کولی شي خپل محصولات په لنډ وخت او کم لګښت سره وازمويي او د یاد مرکز د تجهیزاتو په بشپړېدو سره به د سیمې او بهرنیو هېوادونو ته د نمونو د لېږلو اړتیا کمه شي.

خو د هرات ولایت لپاره طالب مسوولینو د یادو تجهیزاتو د پېرلو د بودجې په تړاو هېڅ ډول معلومات نه‌دي ورکړي، چې دغه بودجه له کوم لوري برابره شوې ده.

له دې سره سم، یو شمېر سوداګر او صنعتکاران د دې مرکز جوړېدل د کورنیو تولیداتو د ملاتړ لپاره یو اغېزناک اقدام بولي او وایي، چې له دې وروسته به د خپلو محصولاتو نمونې پرته له سرګردانۍ او په لنډ وخت کې په همدې مرکز کې وازمويي.

د یادونې وړ ده، چې تر دې مخکې د درملو او نورو خوراکي توکو د کیفیت معلومولو لپاره به نمونې یې د سیمې نورو هېوادونو ته لېږدول کېدل.

ویل کېږي، چې د ټپیانو د لېږد لپاره له هرات ښار څخه د امبولانسونو ډلې د پېښې سیمې ته استول شوې دي. دغه ټرافیکي پېښه د هرات ولایت د ادرسکن ولسوالۍ اړوند د خواجه رویان په سیمه کې رامنځته شوې ده.

په هغې ویډیو کې، چې د پېښې له ځایه افغانستان انټرنشنل ته رسېدلې، ښکاري چې یو شمېر خلک د شپې په تیاره کې د ټپیانو د ژغورلو هڅې کوي.

طالبانو تر دې دمه د دغې پېښې د مرګ‌ژوبلې په اړه جزییات نه دي خپاره کړي.

د هرات ـ کندهار لویه لاره وخت ناوخت د خونړیو ټرافیکي پېښو شاهده وي. د همدې لړۍ په وروستیو پېښو کې، د تېر کال د لیندۍ میاشتې پر مهال د هرات د زاول ولسوالۍ پر لاره د ۳۰۲ ډوله مسافر وړونکي بس او فلان‌کوچ موټر د ټکر له امله ۱۰ تنه وژل شوي وو او ۱۲ نور ټپیان وو.

نبیل په ایکس خواله رسنۍ کې لیکلي، هغه کسان چې د افغانستان د له منځه تلو وړاندوینې کوي، باید لومړی له ځانه وپوښتي چې په سیمه کې کوم هېواد د قومي وېشونو پر بنسټ رامنځته شوی او د «ژورې ستراتیژۍ» د سیاست له لارې یې کلونه بې‌ثباتي نورو هېوادونو ته صادره کړې ده.

هغه ویلي: «تاریخ د افغانستان پر ضد له ناکامو دسیسو ډک دی، امپراتورۍ ړنګې شوې، زبرځواکونه شاتګ ته اړ شوي، پروژې ناکامې شوې او رژیمونه بدل شوي، خو افغانستان پاتې شوی دی.»

دغه پخواني استخباراتي چارواکي ټینګار کړی، که په سیمه کې کله د قومیت پر بنسټ د پولو او جغرافیایي وېش بحث عملي بڼه خپله کړي، نو افغانستان به لومړنی هېواد نه وي چې د خپلې جغرافیې په اړه اندېښنه ولري.

نبیل دا څرګندونې په داسې مهال کړې چې په وروستیو کې د افغانستان او پاکستان د جغرافیایي او سیاسي راتلونکي په اړه د یو شمېر پخوانیو افغان او پاکستاني چارواکو ترمنځ لفظي بحثونه زیات شوي دي.

نوموړي پر ایکس خواله رسنۍ کې د افغانستان لپاره د پاکستان پخواني ځانګړي استازي اصف دراني د هغو خبرو هرکلی کړی چې پکې یې د افغانستان په کورنیو چارو کې د نه لاسوهنې غوښتنه کړې وه.

مشعل ویلي، افغانان د سیمې د یوه لرغوني ملت په توګه د متقابل درناوي او ښه ګاونډیتوب ارزښتونه ژور درک کوي.

هغه زیاته کړې، افغانستان د سیمې د نورو هېوادونو په څېر له خپلو کورنیو ستونزو سره مخ دی، خو د ده په وینا د دغو ستونزو دوامدار حل یوازې د افغانانو ترمنځ د تفاهم او د افغانانو په مشرۍ بهیر له لارې شونی دی.

نوموړي ټینګار کړی: «تاریخ څو ځله ثابته کړې چې بهرنی مداخله ستونزې لا پېچلې کوي، نه دا چې حل یې کړي.»

پخواني افغان سفیر ویلي، په داسې وخت کې چې سیمه له ګډو اقتصادي، امنیتي او جیوپولیټیکي ننګونو سره مخ ده، د همکاریو پراخول، باور جوړونه او د یو بل د حاکمیت درناوی تر ټولو اغېزمنه لار ده.

هغه همداراز ویلي، یو باثباته افغانستان کولی شي د سیمې د نښلېدنې، سوداګرۍ او اقتصادي ودې لپاره مهم رول ولوبوي، په داسې حال کې چې بې‌ثباتي یې د سیمې پر ټولو هېوادونو اغېز کوي.

هغه وویل، امریکا د سیمې له ځینو هېوادونو سره په همغږۍ، د خمیر بندر، سیریک او قشم ټاپو پر ساحلي ملکي سیمو هوايي بریدونه کړي دي.

دغه ویاند زیاته کړه، چې د ایران وسله‌والو ځواکونو هم سمدستي په غبرګون کې د هرمز تنګي ختیځ او د چابهار بندر سوېل کې د امریکا پوځي بېړۍ په نښه کړې او هغو ته یې د پام وړ زیانونه اړولي دي. تر اوسه امریکايي چارواکو د امریکا پوځي بېړیو ته د اوښتو زیانونو په اړه څه نه دي ویلي.

له دې وړاندې فاکس نیوز خبري شبکې راپور ورکړی و، چې د امریکا پوځ د ایران په قشم او بندرعباس بندرونو بریدونه کړي دي.