کرملین وايي چې د «بري ورځې» د مراسمو لپاره د پوتین امنیتي تدابیر سخت شوي
د کرملین ماڼۍ وایي، چې د مې پر ۹مه د نازي ځواکونو پر وړاندې د «بري ورځې» د مراسمو لپاره د ولسمشر ولادیمیر پوتین امنیت تر پخوا سخت شوی، ځکه مسکو د اوکراین له بریدونو اندېښنه لري.
د کرملین ویاند دیمیتري پسکوف ویلي چې د مهمو ملي مراسمو پر مهال د ځانګړو امنیتي ادارو له لوري تل اضافي تدابیر نیول کېږي، خو سږ کال دا تدابیر د هغه په وینا، د اوکراین د ګواښ له امله نور هم زیات شوي دي.
نوموړي تایید کړه چې د پوتین شخصي امنیت هم سخت شوی، خو هغه راپورونه یې رد کړل چې ګواکې د کودتا یا ترور هڅو له وېرې د لوېدیزو استخباراتو له لوري خطرونه زیات ښودل شوي دي.
مسکو د مې د ۹مه پر نازي ځواکونو د «بري د ورځې» په توګه نمانځي.
