ملګري ملتونه: په نړۍ کې د خوراکي توکو بیې د درېیمې پرلهپسې میاشتې لپاره هم لوړې شوې
د ملګرو ملتونو د خوړو او کرنې سازمان ویلي، چې په تېر اپرېل میاشت کې د نړۍ په کچه د خوراکي توکو بیې د درېیمې پرلهپسې میاشتې لپاره لوړې شوې دي. د یاد سازمان په وینا، د ایران جګړې له امله رامنځته شوې کډوډي په ځانګړې توګه د غوړیو بیې په بېساري ډول لوړې کړې دي.
د ملګرو ملتونو د خوړو او کرنې سازمان د جمعې په ورځ راپور ورکړی، چې د خوړو د بیو شاخص، چې په نړیواله کچه د خوراکي توکو د یوې کڅوړې بدلونونه اندازه کوي، په اپریل میاشت کې په اوسط ډول ۱۳۰،۷ ته رسېدلی دی. دا کچه د مارچ میاشتې په پرتله ۱،۶ سلنه زیاتوالی ښيي.
ورته مهال یاد سازمان په یوه جلا راپور کې د ۲۰۲۵ کال لپاره د غلو دانو د نړیوال تولید کچه هم اټکل کړې ده. د دغه راپور له مخې، تمه کېږي چې سږ کال به د غلو دانو تولید ۳،۰۴۰ میلیارډ میټریک ټنو ته ورسېږي، چې دا د تېر کال په پرتله ۶ سلنه زیاتوالی او یو نوی ریکارډ دی.
