سرچینې: طالبانو په کابل کې د یوې رسنۍ مسوول نیولی دی

نوموړې پر ایکس خواله رسنۍ کې ویلي، چې د داعش خراسان «اصلي حاکمتي جوړښت» په ټولو مهمو برخو کې، لکه مرکزي شورا، نظامي شورا، د فتوا او قضایي شورا، د رسنیو او تبلیغاتو کمیسیون او مالي کمیسیون، لا هم پر خپل ځای او فعال پاتې دی.

هغې لیکلي: «د اووه ورځنۍ ارزونې پر مهال هېڅ دوامداره ګډوډي د طالبانو د عملیاتو له امله نه ده لیدل شوې، یوازې محدود بدلونونه د پاکستاني اقداماتو له امله رامنځته شوي دي.»

سارا اډمز په خپلو ورځنیو ارزونو کې ویلي، د دې ډلې شمېر هم د تېرو میاشتو په اوږدو کې زیات شوی او له شاوخوا ۶ زرو څخه تر ۱۰ زرو پورې وسله‌والو ته رسېدلی، پرته له دې چې نور بهرني جنګیالي په کې شامل شي.

د هغې په وینا، د داعش خراسان د مرکزي شورا مشرتابه په خپل حال پاتې دی او د نظامي شورا جوړښت کې هم یوازې محدود بدلونونه ثبت شوي، چې په کې یو کس د پاکستاني ځواکونو له لوري د نیول کېدو وروسته له دندې لېرې شوی دی.

نوموړې زیاته کړې، د فتوا او قضایي شورا کې هېڅ جوړښتي بدلون نه دی راغلی او د تبلیغاتو برخه کې یوازې د یوې مشرۍ بدلون د پاکستاني ځواکونو د عملیاتو له امله رامنځته شوی دی.

د مالي چارو په اړه سارا اډمز ویلي، دا برخه هم د عصمت‌الله خالوزي په مشرۍ او د جعفر الخراساني په مرستیالۍ لا هم بشپړه فعاله ده.

هغې په پای کې ټینګار کړی، چې د داعش خراسان ټول تشکیلاتي جوړښتونه په مجموعي ډول عملیاتي ثبات لري او هر هغه ګډوډي چې لیدل شوې، د طالبانو پر ځای د پاکستاني عملیاتو پایله ده.

دُراني د جمعې په ماښام (د غويي ۱۸مه) په خپله اېکس‌پاڼه د هغو راپورونو یادونه کړې، چې ګواکې د طالبانو د کورنیو چارو وزیر سراج‌الدین حقاني، د بهرنیو چارو وزیر امیر خان متقي، د دفاع وزیر ملا یعقوب او د طالبانو ویاند ذبیح‌الله مجاهد د جمعیت علمای اسلام (ف) له مشر مولانا فضل‌الرحمن سره د شیخ ادریس د وژل کېدو په تړاو خواخوږي ښودلې ده.

له فضل الرحمان سره د طالب چارواکو اړیکه؛ طالبانو د ملا ادریس پر وژنې ژوره خواخوږي ښودلې | افغانستان انټرنشنل پښتو

نوموړي ویلي، د شیخ ادریس وژنه «یو ناوړه او د غندنې وړ عمل» دی، خو زیاته کړې یې ده، چې پاکستانیان به هغه مهال د طالبانو دریځ ستایلی وای، چې دوی د ټي‌ټي‌پي له‌خوا د بې‌ګناه پاکستانیانو وژنې هم غندلې وای.

اصف دُراني ادعا کړې، چې طالبان د پېښو په غبرګون کې «غوره‌پال چلند» کوي او د ده په وینا، د یوه دیني عالم وژنه ورته د ملکي وګړو تر وژل کېدو مهمه ښکاري.

هغه لیکلي: «دا چاره ښيي چې افغان طالبان له ټي‌ټي‌پي سره نږدې اړیکې لري، ځکه د هغو د بریدونو غندنه نه‌کوي.»

د پاکستان پخواني ځانګړي استازي همداراز له طالبانو غوښتي، چې «په یوه وخت کې له دواړو لورو د ملاتړ سیاست» پای ته ورسوي.

د نوموړي دا څرګندونې په داسې حال کې دي، چې پاکستان له اوږدې مودې راهیسې ادعا کوي، د تحریک طالبان پاکستان مشران او غړي په افغانستان کې خوندي پټنځایونه لري، هغه ادعا چې طالبانو تل رد کړې او هغه یې د پاکستان کورنۍ مساله بللې ده.

افغانستان انټرنشنل ته رسېدلي ویډیوګانو کې ښکاري، چې په ارګو ولسوالۍ کې په ډېر شمېر کسان راټول شوې او د طالبانو له‌خوا د سیمې د اوسېدو د وژل کېدو په غبرګون یې لایون کړی دی..

سرچینې زیاتوي چې دا شخړه هغه مهال رامنځته شوه چې طالب ځواکونو غوښتل د سیمې د خلکو د تریاکو کروندې له منځه یوسي.

تر اوسه پورې، د طالبانو چارواکو په دې اړه څه نه دي ویلي.

د وروستیو ترلاسه شویو معلوماتو له مخې، خلکو د فیض اباد ښار څخه د طالبانو پلاوي سره خبرې رد کړې دي.

ویل کیږي چې د ولسوالۍ د نورو کلیو اوسېدونکي هم د پیښې په ځای کې راټول شوي دي.

سیمه ییزو سرچینو «وضعیت د خرابیدو په حال کې» بللی دی.

د جمعیت علمای اسلام ګوند رسنیز دفتر نن جمعه (د غويي پر ۱۸مه) ویلي، چې د طالبانو د دفاع وزیر ملا یعقوب مجاهد، د کورنیو چارو وزیر سراج‌الدین حقاني، د بهرنیو چارو وزیر امیرخان متقي او یادې ډلې ویاند ذبیح‌الله مجاهد په جلا جلا ټېلیفوني اړیکو کې د دغه ګوند له مشر مولانا فضل‌الرحمان سره خبرې کړې دي. یادو چارواکو د ملا ادریس مړینه یوه لویه ضایع بللې او خپله خواخوږي یې شریکه کړې ده.

یادو طالب چارواکي د مولانا ادریس وژل کېدو په غم کې ځان برابر شریک بولي او وايي، د پاکستان د ولسونو ته ورته افغانان هم د هغه په وژنه سخت غجمن دي.

د طالبانو زیاتره مشران د وژل شوي دیني عالم مولانا ادریس شاګردان پاتې شوي دي.

افغانستان ته د مولانا فضل الرحمان له سفر پرمهال وژل شوي دیني عالم مولانا ادریس هم ملتیا کړې وه او په دغه سفر کې یې په کندهار کې د طالبانو له مشر ملاهبت الله سره کتلي وو، خو طالبانو لا تر اوسه دا لیدنه په رسمي ډول نه ده تایید کړې.

پاکستاني دیني عالم مولانا محمد ادریس ترنګزی د تېرې سې‌شنبې په سهار د خیبر پښتونخوا په چارسدې سیمه کې د ناپېژاندو وسله‌والو په برید کې ووژل شو. په دغه برید کې د نوموړي دوه ساتونکي ټپیان شول، چې وروسته د داعش-خراسان ډلې د دغې پېښې مسوولیت پر غاړه واخیست.

د یادونې وړ ده چې په پاکستان کې مذهبي ډلې او په ځانګړي ډول د حقاني مدرسې عالمان د تېر جمهوریت پر مهال د افغان طالبانو نږدې ملاتړي پاتې شوي دي.

په هلمند کې د طالبانو د اطلاعاتو او کلتور ریاست له رسمي خبرپانې خپرېدو وړاندې په هلمند کې ځايي سرچینو افغانستان انټرنشنل ته ویلي و، چې د طالبانو مشر ملا هبت‌الله اخوندزاده نن جمعه دغه ولایت ته سفر کړی دی.

نوموړي په دغه سفر کې د هلمند په مرکز لښکرګاه کې د یوې لويې عیدګاه جومات د بنسټ ډبره کېښوده.

د طالبانو په خپره شوې خبرپانه کې راغلي، چې په جومات د بنسټ ډبرې اېښودو په مراسمو کې د ملاهبت‌الله ترڅنګ د طالبانو نورو ولایتي چارواکو په هم ګډون درلود.

ملاهبت‌الله په خپله وینا ،د عیدګاه جومات د جوړولو چارې پیلول د هلمند لپاره یو مهم او تاریخي ګام بللی او زیاته کړې یې ده: « د عیدګاه جوړېدل به د دیني شعایرو د عظمت ترڅنګ د ولس ترمنځ د یووالي او ورورولۍ فضا هم لا پیاوړې کړي».
هغه د خپلو خبرو پر مهال خلک یووالي، اتحاد او اتفاق ته راوبلل او ویې ویل، چې په عیدګاه کې به په معیاري ډول د لمونځ کوونکو لپاره پراخ او منظم ځایونه، د اوداسه اسانتیاوي، منظم تاسیسات، مجهز پارکینګ او نور اړین خدمات شتون ولري.

د طالبانو مشر ملاهبت‌الله په داسې حال کې د خلکو ترمنځ د یووالي خبره کوي، چې په ټولو ادارو کې ګمارنې یوازې د طالبانو د غړیتوب پر اساس کېږي او پرته له ملا څخه بل څوک د مسلکیتوب له مخې پر دولتي څوکیو نه ګمارل کېږي.