ګارډین: ایران هره ورځ په پټه او ښکاره توګه بندیان اعداموي
ګارډین ورځپاڼې د بشري حقونو سازمانونو او ځایي خلکو ته د نږدې سرچینو په حواله راپور ورکړی، چې ایران نږدې هره ورځ په پټه او ښکاره بندیان اعداموي. د راپور له مخې؛ تېرکال په ایران کې لږترلږه ۱۶۰۰ اعدامونه ثبت شوي، چې ځینې یې د لاریونونو پرمهال یا د امنیتي تورونو له امله ترسره شوي دي.
د اعدام شویو کسانو کورنۍ هم د سختو امنیتي او رواني فشارونو له امله شکایت کوي. ګارډین زیاته کړې، چې په وروستیو اونیو کې ځینو کورنیو ته یوازې د سزا له پلي کېدو وروسته د دوی د کورنیو غړو د اعدام خبر ورکړل شوی او په ځینو مواردو کې ان د اعدام شویو کسانو جسدونه د دوی کورنیو ته نهدي سپارل شوي.
