په ایران کې د یوې اوونۍ پر مهال نږدې ۵۰۰ افغان کډوال نیول شوي

د هلمند ولایت لپاره د طالبانو د کرنې ریاست مسوولین د شفتالو د حاصلاتو د ډېرښت لامل د دوی له لوري په مسلکي ډول د بڼوالو روزل په ګوته کوي.

د دغه ریاست د پلان او پروګرامونو مدیر شفیق‌الله مبین وايي: «دا وارې زموږ له‌خوا بڼوالو ته روزنه ورکړل شوې او د بڼونو د جوړولو په برخه کې موږ همکاري کړې ده. د تېر کال په نسبت حاصلات زیات شوي او د شفتالو په رنګ، خوند او کیفیت کې تغییر راغلی او بازار یې هم ښه دی».

بڼوال بیا په دغه ولایت کې د میوو او سبزیجاتو د ساتنې لپاره د معیاري سړو خونو د جوړېدو غوښتنه لري. دوی وايي، که په دغه ولایت کې سړې خونې جوړې شي، نو کولی شي د یوه فصل میوه بل فصل ته په خوندي ډول وساتي.

د تازه میوو سوداګر وايي، پخوا په افغانستان د هر ډول میوو د حاصلاتو د رسېدو پر مهال له پاکستانه ورته حاصلات راوړل کېدل او په دې سره یې بازار له لاسه ورکاوه.

په دغه ولایت کې د تازه میوو سوداګر محمد هاشم وايي: «موږ هره میوه چې په باغونو کې مو خرید کړی پخوا به پاکستان ته اېلا وو او د پاکستان میوې به زموږ خواته راتلله، زموږ بازار به یې ګډوډ کړی وو. اوس چې موږ په کومه تمه چې میوې رانیولي د پاکستان میوه بنده ده، موږ یې چې بازار ته واستوو، نو په ښه قیمت خرڅېږي».

په هلمند کې د شفتالو فصل له رارسېدو سره یو شمېر کارګرو ته هم لنډ مهالي کاري زمینې برابرې شوي دي. دغه کارګر وايي، په ورځ کې له ۲۰۰ تر ۳۰۰ افغانیو مزدوري کوي.

د هلمند د شفتالو د پلورونکو په وینا، دمګړۍ په دغه ولایت کې یو من ښه شفتالو له ۲۰۰ تر ۲۲۰ افغانۍ ده.

100%

د دغه ولایت لپاره د طالبانو د کرنې ریاست وايي، سږکال د هلمند پر ۱۸۳ هکټاره ځمکه شفتالو کرل شوي او ادعا لري، چې دمګړۍ دغه ولایت د میوو او سبزیجاتو له اړخه پر ځان بسیا شوی او ډېری وخت نورو ولایتونو ته هم یادې میوې استوي.

کویل له خوشې کېدو وروسته ویلي، د بند په ټوله موده کې یې هیله لرله چې یو ځل بیا خپله کورنۍ وویني.

د نوموړي په وینا، د ۲۰۲۵کال په جنورۍ میاشت کې د طالبانو د استخباراتو ځواکونو هغه په کابل کې له خپل اپارتمان څخه نیولی او نامعلوم ځای ته یې لېږدولی و.

هغه ویلي، طالبانو هېڅکله په رسمي ډول پر ده کوم جرم او تور نه دی لګولی، او ځکه باور لري چې نیول کېدلویې سیاسي انګېزه لرله.

دغه امریکايي وګړي زیاته کړې،چې د بند په لومړیو پنځو میاشتو کې ورته له خپلې کورنۍ سره د اړیکې اجازه نه ورکول کېده او د خپلې خور لومړنی پیغام یې د یوه لیک له لارې ترلاسه کړی و.

کویل همداراز د طالبانو د ساتونکو د چلند په اړه ویلي، ځینویې له ده سره سخت او توند چلند کاوه، خو یو شمېر نورو بیا ورسره خواخوږي ښودله.

د راپور له مخې، د امریکا حکومت ویلي چې لا هم لږ تر لږه دوه نور امریکايي وګړي د طالبانو په بند کې دي.

عراقچي ویلي، د ډیپلوماټیکو هڅو د پرمخ بیولو لپاره اړینه ده چې «غیرقانوني اقدامات» ودرول شي.

بل لور ته، اناتولي خبري اژانس راپور ورکړی چې هاکان فیدان له عراقچي سره د دې لپاره اړیکه نیولې وه څو د ایران او امریکا ترمنځ د خبرو اترو وضعیت و ارزوي.

د اناتولي د راپور له مخې، د ترکیې د بهرنیو چارو وزارت سرچینو ویلي چې دواړو وزیرانو د تهران او واشنګټن ترمنځ د روانو مذاکراتو اوسنی پړاو څېړلی دی.

تر اوسه د دغه ټلیفوني خبرې د نورو جزییاتو په اړه معلومات نه دي خپاره شوي، خو دا تماس داسې مهال ترسره کېږي چې د ایران او امریکا ترمنځ د تاوتریخوالي د کمولو او احتمالي تفاهم لپاره ډیپلوماټیکې هڅې دوام لري.

د رسمي پایلو له مخې، د لوېدیځ لندن په اکتون سیمه کې د کارګر ګوند درې نوماندانو د محلي شورا څوکۍ وګټلې. په دغو بریالیو نوماندانو کې رابعه نسیمي د ۱۲۰۷رایو په ترلاسه کولو د خپل ګوند دویمه بریالۍ نومانده وه.

په دې ټاکنیزه حوزه کې سټپن اوون ډونلي له ۱۲۲۹رایو او هیټیش ټیلور له ۱۱۲۳رایو سره نور بریالي نوماندان وو.

رابعه نسیمي د طالبانو د لومړۍ واکمنۍ پر مهال، هغه مهال چې پنځه کلنه وه، له خپلې کورنۍ سره افغانستان پرېښود او بریتانیا ته کډواله شوه.

نوموړې وروسته د لندن له ګولډسمیت پوهنتون څخه د ټولنپوهنې په برخه کې د لېسانس سند ترلاسه کړ او بیا یې دلندن له اقتصاد او سیاسي علومو په پوهنتون کې په همدې برخه کې د ماسټرۍ زده‌کړې بشپړې کړې.

اغلې نسیمي دا مهال دکمبریج په پوهنتون کې د ټولنپوهنې په برخه کې د دوکتورا زده‌کړې کوي، چې تمرکز یې د دویم نسل کډوالو، هویت، وطن او ژبې پر موضوعاتو دی.

د امریکا بهرنیو چارو وزارت د جمعې په ورځ (د غويي ۱۸مه) د یوې خبرپاڼې په خپرولو سره ویلي، په دغو راتلونکو خبرو کې به د یوې هر اړخیزې سولې او امنیتي هوکړې پر لور پرمختګ وشي او ورسره به دوه اړخیزې بنسټیزې اندېښنې په اساسي ډول حل شي.

په خبرپاڼه کې راغلي: «د دې خبرو موخه دا ده، چې د تېرو دوو لسیزو له ناکامو کړنلارو څخه په پرېکنده ډول لاره جلا شي؛ ځکه هغو کړنلارو ترهګرو ډلو ته اجازه ورکړې وه، چې خپلې ریښې ټینګې کړي، ځانونه بډایه کړي، د لبنان د دولت واکمني کمزورې کړي او د اسراییل شمالي پوله له خطر سره مخ کړي».

د خبرپاڼې له‌مخې، د راتلونکې اونۍ په خبرو کې به د یوې تلپاتې سولې او امنیتي ترتیباتو، په ټوله خاوره کې د لبنان د حاکمیت د بشپړې اعادې، د پولو د ټاکلو او په لبنان کې د بشري مرستو او بیا رغونې لپاره د عملي لارو جوړولو لپاره یو چوکاټ رامنځته شي.

د امریکا د بهرنیو چارو وزارت ویاند ویلي، دواړو لورو ژمنه کړې، چې د خپلو ملي ګټو په پام کې نیولو سره به په دغو خبرو کې ګډون وکړي او امریکا به هڅه وکړي، چې دغه ګټې په داسې ډول سره همغږې کړي، چې د اسراییل لپاره تلپاتې امنیت او د لبنان لپاره حاکمیت او بیا رغونه تضمین کړي.

نوموړي څرګنده کړې، واشنګټڼ پر دې باور دی، چې هر اړخیزه سوله د لبنان د دولتي واکمنۍ په بشپړې اعادې او د حزب‌الله په بشپړې بې‌وسلې کولو پورې تړلې ده، چې د امریکا له‌خوا یو بهرنی «ترهګریز سازمان» پېژندل شوی دی.

د یادونې وړ ده، چې د اسراییل او لبنان تر منځ له لومړي پړاو لنډ مهاله اوربند وروسته هم اسراییل پر لبنان خپلو بریدونو ته دوام ورکړی او له امله یې لسګونه لبنانیان وژل شوي دي.