د جمعیت علمای اسلام ګوند د مولانا ادریس د وژنې په تړاو د پلټنو په اړه ناخوښي څرګنده کړه
د جمعیت علمای اسلام ګوند د مولانا ادریس د وژنې په اړه د پولیسو پلټنو له بهیر څخه ناخوښي څرګنده کړه او ویلي یې دي، چې د دریېو ورځو په تېریدو لاهم د یادې پېښې په پلټنه او څېړنه کې کوم پرمختګ نهدی شوی.
د دغه جمعیت غړي او د غونډې ګډونوالو پرېکړه کړې، که تر نن غرمې مخکې د پېښې په اړه مهم پرمختګ ونهشي؛ نو خپل پراخ لاریونونونه به پیل کړي. تر دې وړاندې د جمعیت علمای اسلام مشر مولانا فضل الرحمان هم د مولانا ادریس د وژل کېدو په غبرګون کې د پراخو لاریونونو اعلان کړی و. د دغه ګوند ویاند اسلم غوري ویلي و، چې دغه لاریونونه به د چهارشنبې او جمعې په ورځو کې ترسره شي.
پاکستانی دیني عالم مولانا محمد ادریس ترنګزی د سېشنبې په سهار د خیبر پښتونخوا په چارسدې سیمه کې د ناپېژاندو وسلهوالو په برید کې ووژل شو او دوه ساتونکي یې ټپیان شول، چې وروسته د داعش- خراسان ډلې د یادې پېښې مسوولیت ومانه.
