عوامي نيشنل ګوند:له افغانستان سره ستونزې باید د خبرو له لارې حل شي

پېښه د جمعې په ورځ د «ار سي ډي» پر لویه لار هغه مهال رامنځته شوه، کله چې د فیلډر ډوله موټر ټایر وچاودېد، موټر له کنټروله ووت او له مقابل لوري له یوه باروړونکي موټر سره ټکر شو.

د پولیسو په وینا، په پېښه کې د نوشکي ولسوالۍ یو موټرچلوونکی هم وژل شوی او پنځه نور کسان ټپیان شوي دي.

د چاغي ولسوالۍ یوه امنیتي چارواکي ویلي، په موټر کې سپاره ټول افغانان وو او په ناقانونه ډول له افغانستانه پاکستان ته داخل شوي وو. د هغه په وینا، دغو افغانانو غوښتل د پاکستان پنجاب ایالت ته ولاړ شي او هلته کار وکړي.

پولیسو ویلي، د پېښې ټپیان او مړي د دالبندین شهزاده فهد روغتون ته لېږدول شوي دي.

د روغتون چارواکو ویلي، د ځینو ټپیانو روغتیايي وضعیت نازک دی.

بلخوا، د بلوچستان د پشین ولسوالۍ د خانوزۍ سیمې په یوه بله ټرافیکي پېښه کې هم څلور کسان وژل شوي او ۱۱ نور ټپیان دي.

د پولیسو په وینا، دغه پېښه هغه مهال رامنځته شوه چې یو باروړونکی زرنج موټر د بریک د خرابېدو له امله کندې ته ولوېد. ویل کېږي، په وژل شویو کسانو کې یوه ښځه هم شامله ده.

د چارواکو په وینا، د ګوادر کنټاني ساحلي سیمه کې ناپېژاندو وسله‌والو د پاکستان د سمندري ساتونکو په یوې د ګزمې کښتۍ ډزې وکړې، چې له امله یې دوه سرتېري ووژل شول. ددغه پېښې بریدګر له سیمې په تښته بریالي شوي.

دا په تېره یوه میاشت کې پر سمندري امنیتي ځواکونو دویم ورته برید دی. تر دې مخکې هم درې سمندر ساتونکي ځواک سرتیري وژل شوي وو، چې مسوولیت یې بلوڅ بېلتون غوښتونکې ډلې « بي ايل اې » منلی و.

بلخوا، د نوشکي اړوند کلي جمالدیني سیمه کې په یوه دولتي ښوونځي وسله‌والو ډزې کړي، چې له امله یې یو ښوونکی او یو بل کس وژل شوي دي.
پولیس وايي، پېښه ښايي هدفي وژنه وي او وژل شوی کس پخوا له یوې بلوڅې وسله‌والې ډلې سره تړاو درلود

وال سټریټ ژورنال د نږدې سرچینو په حواله راپور ورکړی، چې دغه سند به د یوې میاشتې احتمالي خبرو اترو چوکاټ وټاکي او د تهران او واشنګټن ترمنځ د کړکېچ د کمېدو لپاره به زمینه برابره کړي.

د راپور له مخې، په دې مسوده کې د ایران د اټومي پروګرام، د هرمز تنګي د کړکېچ کمول، او د ایران د لوړو بډایه شویو یورانیمو زېرمې بل هېواد ته د لېږدولو احتمال شامل دي.

ورځپاڼې لیکلي، که څه هم د خبرو د بیا پیل لپاره هڅې روانې دي، خو لا هم د بندیزونو د نرمولو پر کچې د دواړو لورو ترمنځ مهم اختلافونه موجود دي، چې ښايي د مذاکراتو پر وړاندې خنډ جوړ کړي.

د راپور له مخې، که مذاکرات مثبت پرمختګ وکړي، نو دواړه خواوې به د خبرو موده د لومړنۍ یوې میاشتې لپاره وغځوي.

د ځايي سرچينو د معلوماتو له مخې، پېښه د منډان پوليسو مرکز اړوند سیمه کې رامنځته شوې او په پېښه کې ټپي شوي کسان د بنو مرکزي روغتون ته لېږدول شوي دي.

د روغتون چارواکو وويل، ټپيانو کې د شپږو او څلورو کالونو عمر لرونکو ماشومانو په ګډون دوه نورې ښځې او څلور تنه نارینه شامل دي.

امنیتي سرچینو وويل، د پېښې وروسته یې سیمه کلابنده کړې او د لټون عمليات یې پيل کړي دي.

په دې وروستيو کې د خيبرپښتونخوا په جنوبي ولسواليو او قبايلي سيمو کې دغه ډول ډرون بريدونه ډیر شوي، او اکثر له پکې عام ملکي وګړي هدف ګرځي.

د پاکستان د پټرولیم وزارت دغه نوې بيې د جمعې په شپه (د غويي ۱۸مه) اعلان کړې او نن د (شنبې، غويي ۱۹مې) څخه به په ټول پاکستان کې د يو ليتر ډيزل بيه ۴۱۴ روپۍ او ۵۸ پیسې او د یو لیتر پټرول بیه ۴۱۴ روپۍ او ۸۴ پیسې وي.

د عوامي نشنل ګوند مشر ايمل ولي خان ويلي، پاکستان ته د ايران څخه تيل قاچاق کيږي، او تر اسلام اباد پورې پټرول پمپونو کې د ايران تېل په ګرانه بيه پلورل کيږي.

هغه د جمعې په ورځ رسنیو سره خبرو کې وويل، «ايران کې نن هم د پاکستانيو روپو په حساب په اته روپۍ ليتر تيل پلورل کيږي، هغه تيل چې دلته (پاکستان) ته راشي په ۲۲۰ روپۍ پلورل کيږي، دا ډېره لويه لوبه ده او ډېر لوی خلک پکې لاس لري».

هغه زياته کړه، د کوټې په بازارونو کې د ايران هر ډول توکي ترلاسه کيږي، په دې کې خلک په اربونو روپو ګټه کوي.

پاکستان کې هره اوونۍ د پټرول او ډیزلو نوې بيې اعلانيږي. پاکستاني کې حکومتي چارواکي وايي، د تېلو بیې په منځي ختیځ کې د روانې شخړې له امله په نړۍواله کچه لوړېدو سره دلته بيې لوړوي.

د یادونې وړ ده، چې په منځني ختیځ کې د شخړې له راپورته کېدو وروسته پاکستان څو ځلي د تېلو بیې لوړې او راټيټې کړې او د حکومت دغه چاره د عام ولس له سخت غبرګون سره مخ شوې ده.