د خيبرپښتونخوا په بنو ولسوالۍ کې له يو نيم ساعت راهیسې د وسلهوالو او ځايي پوليسو ترمنځ نښته روانه ده. تراوسه چارواکو په دغې نښته کې د درېیو پولیسو وژل کېدل تایید کړي دي. د چارواکو په وینا، دغه نښته د یادې ولسوالۍ د فتحخېل پر پوستې له یوه موټر بم برید وروسته پیل شوې ده.
له بنو څخه د خيبرپښتونخوا د ولایتي اسمبلۍ غړي پښتون يار خان افغانستان انټرنشنل-پښتو ته وویل، دغه نښته د شنبې په ماخوستن نږدې ۹ بجې د فتحخېل پر پوستې د وسلهوالو له لوري له یوه موټر بم وروسته پیل شوې او لا هم روانه ده.
د نوموړي په وینا، یاده چادونه دومره زوروره وه، چې تر لرې ځایونو یې غږ اورېدل شوی دی.
پښتون يار زياته کړه، نښته اوس هم روانه ده او هغه ته تراوسه د درېیو پولیسو وژنه تاييد کړل شوې ده.
د بنو پوليس وايي، د پېښې ځای ته نور پوليس او امنيتي سرتيري روان دي او سیمه کلابنده شوې ده.
له دې سره سم، د يادې پېښې ترڅنګ پر کنګر پُل نومې پوستې هم برید شوی، خو له امله د اوښتې احتمالي مرګژوبلې په تړاو تر اوسه څه نهدي ویل شوي.
