• العربية
  • فارسی
  • English
Brand
  • پروګرامونه
  • افغانستان
  • نړۍ
  • ښځې
  • کلتور او ټولنه
  • معلومات او ټېکنالوژي
  • سپورت
  • پروګرامونه
  • افغانستان
  • نړۍ
  • ښځې
  • کلتور او ټولنه
  • معلومات او ټېکنالوژي
  • سپورت
  • پوښ
  • ژبه
    • العربية
    • فارسی
    • English
  • پروګرامونه
  • افغانستان
  • نړۍ
  • ښځې
  • کلتور او ټولنه
  • معلومات او ټېکنالوژي
  • سپورت
د دې وېبپاڼې ټول قانوني حقونه د وولنټ میډیا دي
volant media logo

طالبان وايي په غزني کې یې څه باندې ۲۰ میله وسله ترلاسه کړې ده

۱۹ غویی ۱۴۰۵ - ۹ می ۲۰۲۶، ۱۸:۲۸ GMT+۱

د غزني ولایت لپاره د طالبانو د رسنیو دفتر مسوولین وايي، د دغه ولایت په جاغوري ولسوالۍ کې یې ۲۴ میله ډول ډول وسلې او نور مهمات ترلاسه کړي دي. د مسوولینو په وینا، دغه وسلې په تېرو درېیو میاشتو کې په یادې غرنیزې ولسوالۍ کې ترلاسه شوي دي.

د غزني ولایت لپاره د طالبانو د رسنیو دفتر د شنبې په ورځ (د غويي ۱۹مه) د یوې خبرپاڼې په خپرولو سره ویلي، د دغه ولایت په جاغوري ولسوالۍ کې یې په تېرو درېیو میاشتو کې په بېلابېلو عملیاتو کې ۸ کلاشینکوفونه، ۷ تفنګچې، ۳ سنوفونه، ۴ کاربین، ۱ اېم۱۶ او یو هاوان له ۱۸ مرمیو سره ترلاسه کړي دي.

په خبرپاڼه کې په دې اړه چې ایا د دغو وسلو په تړاو څوک نیول شوي او که نه، جزییات‌ نه‌دي ورکړل شوي، خو زیاته کړې یې ده: «یادې وسلې د بیت‌‌المال اړوند وې او په ناقانونه ډول د یو شمېر کسانو په کورونو کې ساتل کېدې، چې د امنیتي ځواکونو له لوري کشف او ترلاسه شوې دي».

د یادونې وړ ده، چې جاغوري ولسوالۍ د غزني له مرکز څخه شاوخوا ۱۲۳ کیلومتره واټن لري او یوه غرنیزه ولسوالۍ بلل کېږي.

ترویج لرونکی

حامد کرزي پر ډیورنډ کرښه د وروستیو هوکړو په اړه له طالبانو وضاحت وغوښت
۱

حامد کرزي پر ډیورنډ کرښه د وروستیو هوکړو په اړه له طالبانو وضاحت وغوښت

۲

یوه کمپنۍ ادعا لري چې افغانستان یې د هوايي ډګرونو د امنیت له اړخه ۱۵میلیونه ډالر پوروړی دی

۳

د افغان کډوالو ستنول؛ اتریش او ازبکستان د افغان کډوالو د ایستلو لپاره تړون لاسلیک کړ

۴

کابل کې د ناپېژاندو الوتکو له الوتنې وروسته د درنو وسلو غږونه اورېدل شوي

۵

له فضل الرحمان سره د طالب چارواکو اړیکه؛ طالبانو د ملا ادریس پر وژنې ژوره خواخوږي ښودلې

•
•
•

نور کیسې

طالبان وايي ترکي کمپنیو په افغانستان کې د برېښنايي تجهیزاتو تولید ته لېوالتیا ښودلې

۱۹ غویی ۱۴۰۵ - ۹ می ۲۰۲۶، ۱۶:۵۷ GMT+۱

د طالبانو تر واک لاندې د افغانستان برېښنا شرکت رییس د ترکي کمپنیو له مسوولینو سره په کتنه کې په افغانستان کې د برېښنايي ټوربینونو، ټرانسفارمرونو او عصري تجهیزاتو د تولید په اړه خبرې کړې دي. طالبانو ویلي، چې ترکی پانګه‌والو په دغو برخو کې پانګونې ته چمتووالی ښودلی دی.

یادې ادارې د شنبې په ورځ، د یوې خبرپاڼې په خپرولو سره ویلي، چې د طالبانو تر واک لاندې د افغانستان برېښنا شرکت رییس عبدالحق همکار د ترکیې اېپیکیول انرژي او پایر انرژي برېښنا تجهیزاتو تولید کمپنیو مسولینو سره ناسته کتلي.

په خبرپاڼه کې راغلي، چې د یادو برېښنايي تجهیزاتو تولیدونکو کمپنیو مسولینو په افغانستان کې د برېښنا تولید ټوربینونو، ترانسفارمرونو، عصري ځیرکو مېټرونو تولید برخو کې پانګونې ته لېوالیتا ښودلې ده.

د خبرپاڼې د معلوماتو له‌مخې، د افغانستان د برېښنا شرکت رییس د ترکیې کمپنیو له‌خوا په افغانستان کې د برېښنايي تهجیزاتو د تولید لپاره پانګونې ته د هر ډول اسانتیاوو رامنځته کولو ډاډ ورکړی دی.

تر اوسه څرګنده نه ده، چې یاد ترکي بانګوال به په افغانستان کې د برېښنايي تجهیزاتو د تولید په برخه کې په کومه کچه پانګونه وکړي.

د بدخشان په شکي ولسوالۍ کې د طالبان او کان کېدونکو ترمنځ شخړه کې یو شمېر کسان ټپیان شوي

۱۹ غویی ۱۴۰۵ - ۹ می ۲۰۲۶، ۱۵:۵۶ GMT+۱

د بدخشان ولایت د شکی ولسوالۍ اوسېدونکو افغانستان انټرنشنل ته ویلي، چې د شنبې په ورځ د یادې ولسوالۍ له یوه کان څخه د سرو زرو د اېستلو پر سر د طالبانو او ځايي اوسېدونکو ترمنځ شخړه شوې ده. ځايي اوسېدونکو ویلي، طالبانو پر کان کېدونکو ډزې کړي، چې له امله اته کسان ټپیان شوي دي.

ځايي سرچینو ویلي، چې شخړه نن شنبه، د غويي پر ۱۹مه په شرین‌ظام کلي کې هغه مهال رامنځته شوه، چې طالبانو د سرو زرو د کان یو شمېر کانکېدونکي ووهل او وډبول.

هغه ویډیوګانې چې له سیمې څخه افغانستان انټرنشنل ته رسېدلي، کان کېدونکي د جمعه خان فاتح تر امر لاندې کسان تورنوي چې د دوی کاري تونلونه یې په زور نیولي دي.

جمعه خان فاتح اوسمهال په زابل کې د طالبانو د والي مرستیال دی، خو تردې وړاندې په بدخشان کې ولسوال و.

په ویډیوګانو کې لیدل کېږي چې خلک په بیلچو او کلنګونو د طالبانو پر وړاندې اعتراض کوي.

سرچینو ویلي، چې د طالبانو او کان کېدونکو ترمنځ اخ وډب کې اته تنه کان کېدونکي ټپیان شوي او د هغوی روغتیايي وضعیت نازک ښودل شوی دی.

دا پېښه پرداسې مهال رامنځته شوې، چې له تېرو دوو ورځو راهیسې د بدخشان په ارګو ولسوالۍ کې هم د تریاکو اړولو پر سر د طالبانو ځايي خلکو ترمنځ شخړه شوې او دوه کسان وژل شوي دي. اوس هم په یاده ولسوالي کې د طالبانو پر ضد د سیمو د اوسېدونکو اعتراضونه دوام لري.

طالبانو په کابل کې د شخصي پلیټ لرونکو مساپر وړونکو موټرو په فعالیت باندې بندیز ولګاوه

۱۹ غویی ۱۴۰۵ - ۹ می ۲۰۲۶، ۱۴:۴۰ GMT+۱

د طالبانو د ټرانسپورټ او هوايي چلند وزارت ویلي، چې په کابل ښار کې یې د ټرانسپورټي خدمتونو د تنظیم او ښه‌والي په موخه په ۱۶ بېلابېلو مسیرونو کې د ټونس او شخصي پلیټ لرونکو مساپر وړونکو موټرو فعالیت بند کړی دی.

یاد وزارت نن شنبه، د غويي پر ۱۹مه په یوه خبرپاڼه کې ویلي، د کابل ښار په ۱۶ مسیرونو کې به تردې وروسته یوازې د بسونو، ټکسیانو او مرسډیس ډوله موټرو له لارې ټرانسپورټي خدمتونه ترسره کېږي.

طالبانو ویلي، چې دا اقدام د غوره او ارزانه ټرانسپورټي اسانتیاوو د برابرولو لپاره شوی او په پام کې ده چې په نورو مسیرونو کې هم پلي شي.

دا پرېکړه اوسمهال د میرویس میدان، دشت برچي، قمبر څلورلارې، پل سوخته، کابل پوهنتون او یو شمېر نورو سیمو کې عملي شوې ده.

بلخوا، یو شمېر موټر چلوونکو د غويي په ۱۰مه افغانستان انټرنشنل ته ویلي وو، چې د دې پرېکړې له امله شاوخوا ۱۵۰۰ ټونس موټر یوازې د کابل په لوېدیځ کې له کاره بې‌کاره شوې او سلګونه کورنۍ له بېکارۍ سره مخ شوې دي.

چلوونکي ادعا کوي چې د ترانسپورټ وزارت د ټونس پر ځای مرسډیس ډوله موټر معرفي کړي چې ویل کېږي طالبانو ته د نږدې کسانو پورې تړاو لري. دوی اندېښمن دي چې د دې پرېکړې موخه د کابل ښار د ټرانسپورټ بشپړ کنټرول هغو شرکتونو ته سپارل دي چې له طالبانو سره نږدې اړیکې لري.

د طالبانو د مخابراتو او معلوماتي ټکنالوژۍ نوي وزیر دنده پیل کړه

۱۹ غویی ۱۴۰۵ - ۹ می ۲۰۲۶، ۱۴:۲۷ GMT+۱

د طالبانو د مخابراتو او معلوماتي ټکنالوژۍ وزارت ویاند ویلي، چې د یاد وزارت تازه ګومارل شوی وزیر ملا عبدالاحد فضلي د وزارت کارکوونکو ته ور وپېژندل شو. نوموړي ژمنه کړې، چې د مخابراتي سکټور د ودې لپاره د مسلکي برخو مسوولینو سره په ګډه کار کوي.

د طالبانو ویاند ذبیح الله مجاهد د دوشنبې په ورځ، د غويي پر ۱۳مه اعلان وکړ، چې د دې ډلې د فاریاب پخوانی والي ملا عبدالاحد فضلي د مخابراتو او معلوماتي ټکنالوژۍ وزارت د وزیر په توګه ټاکل شوی دی.

د دغه غیرمسلکي کس ټاکنه د عامو خلکو ترمنځ له توندو نیوکو سره مخ شوه.

عام خلک او نیوکه کوونکي د مخابراتو او معلوماتي ټکنالوژۍ په څېر تخنیکي وزارت ته د غیرمسلکي کسانو راتګ د پوښتنې وړ بولي او وايي، د وزیر په توګه ټاکل شوی کس د مخابراتو، ټکنالوژۍ او ډیجیټلي سیستمونو په برخه کې هېڅ زده‌کړې نه لري.

د کندهار پوهنتون یو استاد په دې اړه وایي: «کله چې د مخابراتو په څېر مهم وزارت ته داسې کسان راوستل کېږي، چې له ټکنالوژۍ سره ابتدایي بلدتیا هم نه‌لري، نو له ادارې څخه به څنګه د پرمختګ تمه وشي؟ نړۍ د مصنوعي ځیرکتیا او ډیجیټلي انقلاب پر لور روانه ده، خو دلته لاهم د جنګي سابقې پر اساس وزیران ټاکل کېږي».

ځیني افغانان باور لري که د مسلکي کسانو د شړلو او نامسلکي افرادو د ګومارلو لړۍ همداسې روانه پاتې شي؛ نو نه یوازې به اداري نظام لا کمزوری شي، بلکې افغانستان به د علم، تخصص او پرمختګ له نړۍوال کاروان څخه نور هم شاته پاتې شي.

د بدخشان لاریونونه؛ طالبانو په ارګو ولسوالۍ کې د دوو کسانو وژنه تایید کړه

۱۹ غویی ۱۴۰۵ - ۹ می ۲۰۲۶، ۱۳:۴۱ GMT+۱

په بدخشان کې د طالبانو امنیه قوماندانۍ تایید کړه، چې د دغه ولایت په ارګو ولسوالۍ کې له طالبانو سره په شخړه کې دوه کسان وژل شوي دي. طالبانو ویلي، چې شخړه د ارګو ولسوالۍ د اتن‌جلو په کلي کې د تریاکو د کروندو د له‌منځه وړلو پرمهال د مخالفت له امله رامنځته شوې وه.

د بدخشان د پولیسو د قوماندانۍ ویاند نن شنبه، د غويي پر ۱۹مه په یوه اعلامیه کې ویلي، چې یو شمېر بزګران او ځايي اوسېدونکي د «مجرمینو او قاچاق وړونکو» له لوري هڅول شوي وو، ترڅو د تریاکو د اړولو مخه ونیسي. د نوموړي په وینا، د دغه تاوتریخوالي په پایله کې د جمعې په ورځ، یو ماشوم او نن شنبه د لاریونونو پر مهال یو بل کس وژل شوی دی.

طالبان ادعا کوي چې په سیمه کې وضعیت اوس عادي دی او حالات یې تر کنټرول لاندې دي

سیمه ایزو سرچینو د شنبې په ورځ، افغانستان انټرنشنل ته وویل، چې د کوکنارو د کروندو د ویجاړولو په اړه د ارګو ولسوالۍ له خلکو سره د طالبانو شخړه لاهم روانه ده.

په ارګو ولسوالۍ کې سیمه ایزو سرچینو وویل، چې دوه سیمه‌یز اوسیدونکي د طالبانو د ډزو له امله وژل شوي دي.

په هغه ویډیو کې چې د افغانستان انټرنیشنل لخوا د ارګو ولسوالۍ څخه ترلاسه شوې، ځایي اوسیدونکي د طالبانو پر ضد لاریون ته دوام ورکوي.

د بدخشان ولایت د ارګو ولسوالۍ اوسیدونکو افغانستان انټرنشنل ته د ویډیوګانو لیږلو سره ویلي، چې د طالب ځواکونو او سیمه‌ییزو لاریون کونکو ترمنځ شخړه لاهم روانه ده.

تېر کال هم د بدخشان یو شمیر اوسېدونکو د طالبانو له لوري د تریاکو د اړولو پرضد لاریونونه کړي وو.