د امریکا په هنري کاونټي کې د پلاستیک په یوې فابریکې کې لویه اور لګېدنه رامنځته شوې
د امریکا د جورجیا ایالت د هنري کاونټي سیمې د پلاستیک په یوې فابریکه کې د جمعې ماسپښین لویه اورلګېدنه رامنځته شوې او د اطفایې ټیمونو یې د شنبې تر سهاره د مړه کولو لپاره کار کړی دی.
د هنري اطفایې ادارې ویلي، چې اور د «سیګما رینیو» په تولیدي تاسیساتو کې بل شوی وو او د اطفایې څو ډلو په ګډه د هغه د بشپړ مړه کېدو لپاره پرلهپسې کار وکړ.
د اطفایې مسوولینو په وینا، د ایالت د اورلګېدنې څېړونکي د پېښې لاملونه پلټي. چارواکو د جمعې ماښام خلکو ته سپارښتنه وکړه، چې د بیړنیو موټرو د تګ راتګ له امله له یادې سیمې لرې پاتې شي. یو شمېر اور وژونکي واحدونه د ماښام تر ناوخته د پېښې ځای کې پاتې شول څو د اور پاتې لمبې مړې کړي.
چارواکي وایي، د فابریکې له ودانۍ خپرېدونکی لوګی به شاوخوا تر راتلونکو ۲۴ ساعتونو دوام وکړي او کېدای شي د سیمې د هوا کیفیت هم خراب کړي.
تر اوسه په دغې اور لګېدنه کې د هېڅ مرګ ژوبلې راپور نهدی ورکړل شوی او د اوښتو مالي زیانونو په تړاو هم رسمي جزییات نهدي خپاره شوي.
