انارکلي هنریار: افغانستان یوازینی هېواد دی چې ښځې پکې له ټولو حقونو محرومې شوې دي
د جمهوري نظام پر مهال د پارلمان پخوانۍ غړېانارکلي هنریار ویلي، افغانستان د نړۍ یوازینی هېواد دی چې ښځې پکې له ټولو اساسي فرصتونو او حقونو محرومې شوې دي.
د جمهوري نظام پر مهال د پارلمان پخوانۍ غړېانارکلي هنریار ویلي، افغانستان د نړۍ یوازینی هېواد دی چې ښځې پکې له ټولو اساسي فرصتونو او حقونو محرومې شوې دي.
نوموړې په ایکس کې د طالبانو پر حکومت توندې نیوکې کړې او ویلي یې دي، که اوسني واکمنان نور توان هم درلودای، نو «ښځو ته به یې له هوا د اکسیجن اخیستو اجازه هم نه ورکوله.»
انارکلي هنریار ویلي، سره له دې چې په افغانستان کې پر ښځو پراخ محدودیتونه لګول شوي، خو افغان ښځې له هېواده بهر بیا هم د خپلو وړتیاوو د ښودلو فرصتونه ترلاسه کوي.
هغې لیکلي: «له هېواده بهر د افغان ښځو لپاره داسې فرصتونه برابر شوي چې هغوی وکولی شي خپل ظرفیتونه نړۍ ته وښيي.»
پخوانۍ پارلماني غړې دغه وضعیت د افغان ښځو لپاره «لویه لاسته راوړنه» بللې او خپلو هېوادوالو ته یې مبارکي ورکړې ده.
د نوموړې دا څرګندونې په داسې حال کې دي چې طالبانو په افغانستان کې د نجونو پر زدهکړو، د ښځو پر کار او ګڼو ټولنیزو فعالیتونو پراخ محدودیتونه لګولي، هغه اقدامات چې له نړیوالو غبرګونونو او پراخو نیوکو سره مخ شوي دي.
