په کابل کې د ویلچېر باسکټبال سیالۍ پیل شوي

احمدالله وثیق د جمعې په ورځ (د غويي ۱۸مه) په خپله اېکس‌پاڼه ویلي، افغان لوبډلې د ۱۱۹۴،۶۸ امتیازونو په ترلاسه کولو سره د نړۍ له ۲۸م مقام څخه ۲۱م مقام ته پرمختګ کړی دی.

هغه زیاته کړې، چې د افغانستان فوټسال ملي لوبډله د اسیا په کچه هم پنځم مقام ته رسېدلې ده.

په وروستیو کلونو کې د افغانستان فوټسال ملي لوبډلې په نړیوالو او اسیایي سیالیو کې د خپلو ښو لوبو له امله د مینه‌والو پام ځان ته اړولی دی.

دا سيالي به د ۱۴۰۵ کال د غبرګولي په ۳۰مه، د امريکا د لاس‌وېګاس ښار کې د «خروس وزن» يا بنټم‌وېټ په کتګورۍ کې ترسره شي.

فريد بشارت، چې د نړۍ د رزمي هنرونو تر ټولو ستر سازمان «يو اېف سي» کې د افغانستان استازولي کوي، اوس ۲۸ کلن دی او تر دې دمه يې ۱۵پرله‌پسې برياوې خپلې کړې دي. په دغو برياوو کې شپږ برياوې د «يو اېف سي» په سياليو کې دي او لا یې هم خپله بې‌ماتې مخينه ساتلې ده.

بل لور ته، اټين اوينګ، چې ۲۸ کلن امريکايي مبارز دی، له ۱۰ برياوو او يوازې دوو ماتو سره دې سيالۍ ته داخليږي. نوموړي هم له ۲۰۲۲ کال راهيسې په خپلو ۱۰ پرله‌پسې مبارزو کې ماتې نه ده خوړلې او د بشپړ چمتووالي سره به د فريد بشارت پر وړاندې سيالي وکړي.

دا لوبه د فريد بشارت لپاره له تر ټولو په زړه پورې او حساسو مبارزو څخه ګڼل کېږي؛ هغه افغان لوبغاړی چې دا مهال د «يو اېف سي» د غوره ۱۵مبارزينو په نوملړ کې د افغانستان يوازینی استازی بلل کېږي.

نوموړی په یو ورځنیو لوبو کې د ۷۰۵ امتیازونو او په شل اوریزو لوبو کې د ۷۵۳ امتیازونو په ترلاسه کولو یو وار بیا د جدول په سر کې راغلی. د یو ورځنیو سیالیو د توپ‌اچوونکو په ډلبندۍ کې راشدخان له ۷۰۵ امتیازونو سره په لومړي مقام کې دی. له هغه وروسته جوپرا ارچړ له ۶۴۹ امتیازونو سره دویم او د سویلي افریقا لوبغاړی کیشو مهاراج له ۶۴۵ امتیازونو سره درېیم مقام لري.

د شل اوریزو لوبو د توپ اچوونکو په ډلبندۍ کې بیا راشد خان له ۷۵۳ نمرو سره په سر کې دی. له هغه وروسته د هند لوبغاړی چکروټي د ۷۴۰ امتیازونو په لرولو دویم او د پاکستان لوبغاړی ابرار احمد د ۷۳۶ امتیازونو په لرلو درېيم ځای لري.

د یو ورځنیو سیالیو د توپ‌وهونکو په برخه کې د افغانستان د ملي لوبډلې لوبغاړی ابراهیم ځدراڼ له ۷۵۶ امتیازونو سره د یادې ډلبندۍ درېیم مقام خپل کړی. په دغه ډلبندۍ کې د نیوزیلینډ ډاریل مېچل له ۸۱۵ امتیازونو سره لومړی او د هند مشهور لوبغاړی ویراټ کوهلي له ۷۹۱ امتیازونو سره دویم مقام خپل کړی دی.

په دې ليدنه کې هغې د فوټبال لوبغاړو نجونو له ولولو ډک ګډون او د افغانستان د ملي المپيک کمېټې د مشرتابه د غړو د همکارۍ ستاينه وکړه، او د ښځو د فوټبال د استعدادونو د پېژندنې او ټاکنې په اړه يې خبرې وکړې، څو يو پياوړی ملي ټيم جوړ شي.

هغې همدارنګه زياته کړه چې د ملي ټيم د تخنيکي کادر له ټاکل کېدو وروسته به د سپټمبر له مياشتې څخه د نړۍ له بېلابېلو برخو څخه د لوبغاړو د ټاکلو لارې چارې او معيارونه په رسمي ډول اعلان شي.

لوبغاړو هم د دې بهير هرکلی وکړ او ويې ويل چې د افغانستان د ښځو د فوټبال د ملي ټيم د کميس اغوستل يې لويه هيله ده. په همدې حال کې، د دې مرکز د ښځو د فوټبال د ټيم مسؤلانو ټينګار وکړ چې دوی ژمن دي څو د غوره استعدادونو د پېژندنې او د لوبغاړو د وړتياوو د لوړولو لپاره هدفمند پروګرامونه پيل کړي.

څه موده وړاندې، او د کلونو هڅو وروسته، د فوټبال د نړيوال فدراسيون (فیفا) په کانګرس کې چې د کاناډا د ونکوور په ښار کې ترسره شو، اعلان وشو چې د افغان ښځو لپاره د کډوالو د فوټبال ټيم کولای شي په رسمي ډول د دې نړيوال بنسټ په چوکاټ کې فعاليت وکړي؛ دا يو بې‌ساری ګام دی چې د هېواد څخه بهر د افغانستان د ښځو د فوټبال د ملي ټيم د جوړېدو لپاره يې لاره هواره کړې ده.

خالده پوپل د افغانستان د ښځو د فوټبال د ټيم د نړيوالو ډګرونو ته د بېرته ستنېدو له امله خپله خوښي څرګنده کړه، او د لوبغاړو سره په ليدنه کې يې وويل چې دا ټيم يو ځل بيا کولای شي په نړيواله کچه د هېواد د ښځو د فوټبال وړ استازيتوب وکړي.

هغې همدارنګه د افغانستان د ملي المپيک کمېټې د مسؤلانو له همکارۍ څخه مننه وکړه او زياته يې کړه چې لوبغاړې د ملي ټيم سره د يو ځای کېدو لپاره ډېره انګېزه او لېوالتيا لري.

نوموړې د ملي ټيم او لوبغاړو ترمنځ د نږدې او دوامدارې اړيکې پر اهميت ټينګار وکړ او هيله يې څرګنده کړه چې دا اړيکه به په پرله‌پسې توګه لا پياوړې شي. پوپل همدارنګه د سپورټ د مسؤلانو له هڅو څخه مننه وکړه چې د ځوانانو د ودې او د ورزش د پراختيا لپاره فرصتونه برابروي.

د فدراسیون د معلوماتو له مخې، دا سیالۍ به د جون میاشتې په پیل کې ترسره شي او تر همدې میاشتې تر لسمې نېټې پورې به دوام وکړي.

په دې ټورنمنټ کې د افغانستان تر څنګ د پاکستان او مالدیف ملي لوبډلې ګډون کوي، او همدارنګه د بنګله‌دېش د ۲۳کلنو څخه کم عمره لوبډله هم د ګډونوالو په منځ کې شامله ده.

د فدراسیون په وینا، دا سیالۍ به په څو اړخیزو لوبو کې ترسره شي، چې لوبډلو ته به دا فرصت برابر کړي څو له خپلو سیمه‌ییزو سیالانو سره مخامخ شي.

د افغانستان د فوټبال فدراسیون ویلي،چې د دې ټورنمنټ موخه د زیاتو نړیوالو لوبو برابرول او د لوبغاړو د وړتیاوو ارزونه ده.

د افغانستان د فوټبال ملي لوبډله په وروستیو کلونو کې له بېلابېلو ستونزو سره مخ شوې، خو بیا هم هڅې روانې دي چې دا لوبډله په نړیوالو سیالیو کې خپل حضور وساتي او تجربه لا زیاته کړي.