طالبان وایي ۳۹ ښځې یې له کورني تاوتریخوالي ژغورلې دي
د طالبانو امر بالمعروف وزارت ویلي چې په شپږو ولایتونو کې یې ۳۹ښځې له کورني تاوتریخوالي ژغورلي او د هغوی د حقونو د ورکړې لپاره یې زمینه برابره کړې ده.
د طالبانو امر بالمعروف وزارت ویلي چې په شپږو ولایتونو کې یې ۳۹ښځې له کورني تاوتریخوالي ژغورلي او د هغوی د حقونو د ورکړې لپاره یې زمینه برابره کړې ده.
دغه وزارت په خپره کړې خبرپاڼه کې ویلي چې دا ښځې په بلخ، غزني، غور، نیمروز، هلمند او پکتیکا کې د کورني ظلم، د نفقې نه ورکولو، او روحي او فزیکي ځورونې له مواردو سره مخ وې.
دا په داسې حال کې ده چې د طالبانو له بیا واکمنېدو وروسته په افغانستان کې د ښځو د حقونو وضعیت له پراخو محدودیتونو سره مخ شوی دی. د ښځو چارو وزارت لغوه شوی او پر ځای یې د امر بالمعروف او نهی عن المنکر وزارت فعالیت کوي، چې د ښځو پر کار، زدهکړو او ازاد تګ راتګ یې ګڼ محدودیتونه لګولي دي.
