په ننګرهار کې د تالنده برېښنا او سخت توپان له امله دوه کسان مړه او درې ټپیان شوي

د طالبانو د لوړو زده کړو وزارت نن یکشنبه، د غويي پر ۲۰مه په اېکس کې لیکلي، چې ندا محمد ندیم د وزارت مسوولینو ته په وینا کې ویلي، چې د دوی اوسنی نظام د ډېرو قربانیو، «هجرتونو او شهادتونو» په پایله کې رامنځته شوی دی.

د طالبانو د لوړو زده کړو وزیر زیاته کړې، چې په اوسنۍ اداره کې په هر ریاست او اداره کې کار کول که د دین د خدمت په نیت وي، د عبادت حیثیت لري.

په دې ناسته کې نوموړي طالب چارواکو ته د چارو د سم مراقبت او د طالبانو له ادارې سره د وفادارۍ په اړه سپارښتنې کړې دي.

د طالبانو د ۲۰۷ الفاروق قول اردو قوماندانۍ نن شنبه یکشنبه، د غويي پر ۲۰مه وویل، چې د یادې قول اردو قوماندان عبدالقیوم روحاني، د بالا مرغاب ولسوالۍ د موریچاق له سیمې څخه تر ذوالفقار درې پورې سیمې کتلې دي.

همدارنګه نوموړي د اسلام‌کلا او د کهسان ولسوالۍ د چاه‌ریګ سیمې په ګډون له بېلابېلو سرحدي نقطو څخه لیدنه کړې ده.

د معلوماتو له مخې، یاد پلاوي په دغو سیمو کې د طالبانو له مسوولینو او سرحدي ځواکونو سره کتلي او د نویو سرحدي پوستو د جوړولو چارې یې ارزولې دي.

د طالبانو د قول اردو قوماندان په دې سفر کې د ځواکونو ترمنځ د همغږۍ پر پیاوړتیا او د منظم ارتباط پر ساتلو ټینګار کړی دی.

په کابل کې د طالبانو سرچینو نن یکشنبه، د غويي پر ۲۰مه وویل، چې د دې ډلې د دفاع وزیر ملایعقوب په مشرۍ په تصفیوي کمیسیون کې دا پرېکړه شوې ده.

په دې پرېکړه کې دا هم ویل شوي، چې د فورمې له لارې په ډېټابېس کې د ثبت شویو جنګیالیو ټول امتیازونه خوندي دي.

یاد کمیسیون همدراز ویلي، چې د دندې اخیستو پرمهال دې د طالبانو د غړو د تصفیې فورمه له یاد کمیسیون څخه تاییدیږي.

طالبانو لاتروسه په رسمي ډول په دې اړه څه نه دي ویلي.

طالبان دا پرېکړه داسې مهال کوي، چې په دې وروستیو کې د تصفیې د جعلي فورمو رپوټونه ورکړل شوي او د جعل د مخنیوي لپاره شرط کېښودل شوی، چې دولتي ادارې به یو ځل د تصفیې فورمه له اړوند کمیسیون سره شریکوي او له تایید وروسته به اړوند کس د طالبانو غړی شمېرل کېږي.

د طالبانو امنیتي او تصفیوي کمیسیون ددې ډلې له ناندریزو ادارو ګڼل کیږي او په دې اړه د طالبانو خپلو جنکیالیو هم نیوکې کړې دي، چې «غیر طالب کسانو ته یې هم د طالبانو د غړیتوب فورمې ورکړې دي».

د طالبانو له بیا ځلي واک ته رسېدو سره دې ډلې د خپلو جنګیالیو د ثبت لپاره ځانګړی کمېسیون جوړ کړ، چې د امنیتي او تصفیوي کمیسیون په نامه مشهور دی.

یاده پېښه د یکشنبې په ورځ د تګاب ولسوالۍ د بندراب درې په مینجي کلي کې شوې.

د پېښې په قربانیانو کې دوه ښځې او دوه ماشومان شامل دي.

عبدالسلام حنفي، چې د یوه پلاوي په مشرۍ لوګر ولایت ته تللی و، د طالبانو اړوند رسنیو ته وویل، چې د کډوالو د بېرته راستنېدو مدیریت او هغوی ته د ځمکو وېش د دوی د ادارې په مهمو لومړیتوبونو کې دي.

د هغه په وینا، په تېرو پنځو کلونو کې له پنځو میلیونو ډېر افغانان هېواد ته راستانه شوي، چې له امله یې د افغانستان نفوس ۱۱ سلنه ډېر شوی دی.

هغه ویلي چې هره ورځ له ګاونډیو هېوادونو څخه له څلورو تر اوو زرو پورې کسان افغانستان ته راستنېږي او ولایتي چارواکو ته یې لارښوونه کړې چې د کډوالو په ښارګوټو کې د څښاک اوبو، سړکونو، روغتونونو، مدرسو او ښوونځیو جوړولو ته ځانګړې پاملرنه وکړي.

واک ته د طالبانو له را ستنېدو وروسته په سلګونو زره افغانان له هېواده بهر وتلو ته اړ شوي او ګڼ شمېر نور افغانان د امریکا او لویدیزو هېوادونو د تخلیې په پروګرامونو کې له هېواده ووتل، خو طالبانو تراوسه ددغو افغانانو شمېرې نه دي اعلان کړې.